Este miércoles 8 de octubre, a las 19:30 horas, la Casa Cultural Portalea de Eibar acoge el Aula de Salud sobre oftalmología que dará la doctora Mercedes Zabaleta bajo el título “LA VISTA ES LA VIDA. ¿Sufres Miopía, Hipermetropía o Agtismatismo? ¿No ves con claridad a causa de las cataratas? Conoce los últimos avances en cirugía de la vista”, con entrada libre hasta completar aforo.
Descrubre los consejos de nuestros especialistas para las pruebas deportivas
Alfredo Torrescalles zuzendari donostiarrak “Mas allá de la colina y la selva” dokumentalaren aurrestreinaldia egingo du Poliklinika Gipuzkoaren Ateneoan, datorren asteazkenean (abuztuak 20), 19:00etan. Filmaren helburua da Afrikan zainketa aringarrien garapenak izan duen garrantzia nabarmentzea. Filmazioa Kamerunen egin zen, eta bizi-etapa horretako gaitzak kontatzen dituzten bi gaixoen lekukotzak jasotzen ditu.
Poliklinika Gipuzkoa proiektu berri honetan Podoactivaren eskutik sartu da, enpresa aitzindaria oinen zaintzan eta podologian eta biomekanikan espezializatua.
Poliklinika Gipuzkoak Oinaren Unitatea inauguratu du gaur, PODOACTIVA nazioarteko marka entzutetsuarekin batera. Unitatea Poliklinikaren 3. solairuan dago, eta Euskal Autonomia Erkidegoan oinen zaintzan eta azterketan erreferente bihurtzeko asmoa du. Podoactiva da futbol, atletismo eta golf federazioen hornitzaile ofiziala, eta haren eskuetatik, goi-mailako 1.000 kirolari eta 30.000 gaixo baino gehiago pasatzen dira urtero, Estatu osoan.
Unitate berriaren aurkezpenean, Arantza Atienza Poliklinika Gipuzkoaren medikuntza-zuzendariak azpimarratu du Poliklinikarentzat arrakasta handia izan dela Unitate berriaren lantaldea, Javier Alfarok zuzenduko duena, eta ibileraren azterketa biomekanikoan lortutako diziplina-aniztasuna, espezializazio handia eta hogei urte baino gehiagoko esperientzia egiaztatua nabarmendu ditu.
Javier Alfaroren hitzetan, Podoactiva “bioteknologian oinarritutako enpresa da, eta podologian eta biomekanikan espezializatuta dago. Pertsonen bizi-kalitatea areagotzea du helburu, haien ibiltzeko modua hobetuz, eta, horretarako, gure diziplina anitzeko lantaldearen esperientzia eta ezagutzak eta berrikuntza teknologikoa aplikatzen ditu, diagnostikoak egiteko eta tratamendu pertsonalizatuak diseinatu eta ekoizteko”.
Oinaren Unitate berriak guztiz hornitutako instalazio moderno eta argitsuak ditu, eta zerbitzu-aukera zabala eskaintzen du. Oinen ohiko zaintzetarako kiropodia-arreta integralaz gain, Poliklinika Gipuzkoako Oinaren Unitate berriak podologia geriatrikoa, oin diabetikoen zaintza, ibileraren azterketa biomekanikoa, haur-podologia eta Podoactivaren barne-zola pertsonalizatu famatuak eskaintzen ditu.
Gure bereizgarria
PODOACTIVA barne-zola esklusiboek enpresako ingeniarien lan etengabea aprobetxatzen dute, modu iraunkorrean ikertzen eta garatzen aritzen baitira barne-zoletara aplikatutako berrikuntza bermatzeko.
Alemaniatik esportatutako material esklusibo batekin ekoiztuta daude, ezagutzen ditugun tradiziozko barne-zolak baino mehegoak dira, erosotasuna hobetzen dute, indargetzea bikaina dutenez erantzun dinamiko hobea eskaintzen dute, transpirazio ezin hobea daukate eta oinetako izergarriekin bateragarriak dira, luze irauten dute geometria galdu gabe, eta arinagoak dira. Aldi berean, memoria elastiko eta malgutasun handiagoak dituzte, material termodeformagarriarekin egindakoek baino hobeto mantentzen dutelako jatorrizko forma.
Hala ere, barne-zolak egin aurretik, Podoactivak azken proba bat egiten die hautagaiei, behin betiko emaitzak lortzeko: 3D Scan Sport Podoactiva.Nazioartean patentatu duten 3 dimentsiotako eskaner bat da, eta Podoactivak garatu du esklusiboki.Hain zuzen ere, eskaner hori dute bereizgarri oin-moldeak egiteko beste diagnostiko-sistema fisiko zein birtualen aurrean.
Javier Alfarok azaldu duenez, “gainerako eskanerrak ez bezala (orokorrean oinaren irudia beira baten gainean zapalduz lortzen dutenak), Podoactivan laser bidez oinaren irudi birtuala ateratzen dugu, tentsio doigarria duen mintz elastiko baten gainean zapalduz, eta, horrela, geometria hobea lortzen da, gero barne-zola pertsonalizatuak egiteko”.
Podoactivak Poliklinika Gipuzkoan duen Oinaren Unitateak 3 barne-zola mota dauzka:
– ELITE SPORT:Podoactiva barne-zolen izarra, eliteko kirolariek erabiltzen dutena.
– CONFORT LINE:kalitate handiko barne-zola da, eta Podoactiva Elite Sport baino merkeagoa.Eguneroko bizitzan erabiltzeko tratamendu egokia da.
– ELITE WOMAN: oin eta takoi-altuera bakoitzerako diseinatuta daude, eta mota horretako oinetakoak luze erabiltzean oinetan, aldaketan, belaunetan eta bizkarrean agertu ohi diren arazoak murrizten dituzte, baita lesioak prebenitu ere.
OINAREN UNITATEAK ESKAINITAKO ZERBITZUAK
KIROPODOLOGIA
Oinek behar dituzten zaintza guztiak:
PODOLOGIA GERIATRIKOA
Adinekoentzako tratamendu eta protokolo zehatzak.Oinazpiko ehun adiposoa murrizteagatik sortutako arazoek, deformazio jakinek (juanikoteak, behatzak atzapar forman…), zirkulazio-arazoek, etab. eguneroko jarduerak egiteko eragozpenak eta ezintasuna sor dezakete.
OIN DIABETIKOAREN UNITATEA
Podoactivak oin diabetikoa aztertzeko protokolo bat dauka, urrats hauei jarraitzen diena:
OINATZEN AZTERKETA BIOMEKANIKOA
Poliklinikaren Oinaren Unitatean honako azterketa hau egiten dugu, Podoactivarekin batera:
HAURRAK
Lehen azterketa biomekanikoa egiteko adinik onena 4-5 urte bitartean da, haurrak malformazio akuturik edo ezegonkortasun-sintomarik (askotan erortzea, esaterako) ez badu.
Haurren kasuan, kontsultarako arrazoi nagusiak hauek izan ohi dira: oin valgoak, mina orpoan, oin-puntetan ibiltzea eta ezegonkortasuna. Haur baten zapaltzeko moduak kirolean duen errendimendua eta garapen psikomotor egokia izatea baldintzatzen ditu.
• Gaixotasun kardiobaskularrak prebenitzea eta horiei buruzko informazioa ematea helburu duen Bihotz Bizi – Corazón Vivo Elkarteak Bihotzaren Astearen edizio berri bat antolatu du, jarduerez betetako egitarau oso batekin, arazo kardiobaskularrak jasaten dituztenei zuzenduta. • Bihar, maiatzak 24 (asteartea), emango zaie hasiera jarduerei, Poliklinika Gipuzkoan Bihotz-ebakuntza izan duten gaixoen IX. topaketa antolatuta, eta ostiralean amaituko da, ekainaren 27an, bihotzerako gosari osasungarriarekin eta barreterapia-tailerrarekin, Londres Hotelean.
Donostia – 2014ko ekainaren 23a.- Gaixotasun kardiobaskularrei buruzko informaziorako eta prebentziorako Bihotz Bizi – Corazón Vivo Elkarteak Bihotzaren Astearen edizio berriari emango dio hasiera bihar, ekainak 24, asteartea. Edizio berri hau Bihotz-ebakuntza izan duten gaixoen IX. topaketarekin hasiko da, eta, bertan, Poliklinika Gipuzkoako bihotz-errehabilitazio zerbitzuaren kardiologoak eta koordinatzaileak, Eduardo Alegriak, hitzaldia emango du arazo kardiobaskular bat jasan ostean “Bihotz-errehabilitazio on baten garrantziari” buruz. Beti bezala, Poliklinika Gipuzkoaren Ateneoan da hitzordua, asteartean, 18:30ean, eta Elena Yanguas psikologoa arituko da moderatzaile-lanetan.
Hitzaldian, Eduardo Alegriak bihotz-errehabilitazio on bat egiteak dakartzan onurak azalduko ditu. Izan ere, kardiopatia-gaixotasunak dituztenen bizi-kalitatea nabarmen hobetzen du, eta infartua jasan ostean heriotza-tasa % 30 murriztu. Halaber, “errehabilitazioa egiten duten gaixoen estresa murrizten du, eta baita antsietatea eta depresioa ere. Beren buruarekiko konfiantza, bizitzeko gogoa eta gaitasun fisikoa areagotzen ditu, kirola egitea ahalbidetuz” baieztatu du Alegriak. “Gainera, gaixoak lehenago bueltatzen dira lanera, sexu-jarduera normalizatzen dute, eta bihotzeko gehiago jasateko aukera gutxiago dituzte” erantsi du.
Bigarren urtemugarekin bat etorriz, asteazkenero bezala, ekainaren 25ean ibilaldi kardioosasungarria abiatuko da goizeko 9:30ean, Donostiako Bengoetxea kaleko Larrialdi Gelatik. Oraingo honetan, 6 kilometroko ibilbide berezia izango da, Kontxako Pasealekutik Haizearen Orraziraino. Parte-hartzaileek, betiko legez, Poliklinika Gipuzkoako fisioterapeutaren laguntza jasoko dute, aurretiko eta geroko luzaketak egiten laguntzeko, eta paseo osoan zehar ere bai.
Aste erdian, Poliklinika Gipuzkoaren Osasun Ikasgela izango dugu. Javier Montes kardiologoak eta Alberto Saenz kirurgialari kardiobaskularrak “Gaixotasun kardiobaskularraren egiak eta mitoak eta tratamenduen bilakaera” hitzaldia emango dute, ekainaren 26an (osteguna), 19:30ean, Andia Kaleko Kutxa Aretoan.
Bihotzaren Asteari amaiera emateko, ostiralean, ekainak 27, Londres Hotelak gosari osasungarria emango du 10:00etan, eta, umore onarekin agurtzeko, 10:30ean, “Bihotzaren barrea: umorez, optimismoz eta eskerronez bizitzearen poztasuna” Barreterapia Tailerra izango dugu, Bharat Martinen eskutik.
Bihotzaren Astearen helburua da gaixo kardiobaskularrei eta haien senideei laguntzea, gizartean informazioa zabalduz, gaixotasun kardiobaskularrari ahalik eta bizi-kalitaterik onenarekin aurre egin diezaioten. Horrez gain, jarduera guztiak gaixo kardiobaskularrek egiteko moduan diseinatu dira, eta, horrela, bigarren helburu bat ere betetzen dute: antzeko egoeran dauden beste gaixo batzuekin ezagutzak trukatzeko aukera ematea.
Azala zaintzeko aholkuak Poliklinika Gipuzkoaren Osasun Ikasgelan EibarrenEibar, ekainak 17.- Datorren asteazkenean, ekainak 18, Eibarko Portalea Kultur Etxean dermatologiari buruzko Osasun Ikasgela izango dugu. Susana Gomez doktoreak zuzenduko du saioa, eta “Zure larruazalaren zainketaren inguruan jakin beharreko guztia. Larruazala eguzkiaren aurrean babestea, dermatosiaren prebentzioa eta zahartzearen aurkako tratamenduak” dauka izenburutzat. Sarrera askea izango da edukiera bete arte.
Azala organo bizia da, aktiboa, eta etengabean aldatzen ari da. Ingurugirotik babesten gaitu, eta gure inguruarekin erlazionatu. Elikadura-ohitura txarrek, alkoholak, tabakoak, atseden faltak, erradiazio ultramoreak… erradikal askeak eragiten dituzte, eta azken horiek organoak narriatuz doaz bizitzan zehar, eta organo horien artean, azala ere bai.
“Eguzkia da udako protagonista nagusia, eta haren kalteetatik behar bezala babestu behar dugu. Denok ezagutzen ditugun fotobabesleez gain, eguzkitako betaurrekoak, txanoak, kapelak eta arropa egokia erabili behar ditugu” azaldu du Susana Gomez dermatologoak. Eguerdian eguzkitan egotea ekidin behar dugu, eta oso garrantzitsua da aire zabalean gauden lehenengo aldietan gehiago zaintzea, hondartzara nahiz landa-guneetara joan.
Gomez doktoreak ziurtatzen du “fotobabesleak gaixoaren fototipoaren, dagoen lekuaren eta egin beharreko jardueraren arabera aukeratu behar direla, baina orokorrean babes altua (30etik gora) eta espektro zabala dituzten iragazkiak izan beharko luketela. Ez dugu ahaztu behar neguan ere erradiazio ultramorea jasaten dugula, eta, urtaro horretan ere, egunero erabili behar ditugu fotobabesleak. Babes-indizea altuagoa izango da neguko kirolak egiten direnean, batik bat eskiatzean”.
Hitzaldian zehar, dermatologiako espezialistak aurpegia zahartzea prebenitzeko azken aurrerapenak aurkeztuko ditu. “Toxina botulinikoa azken urteetako iraultzarik handiena izan da estetikaren hobekuntzan, eta hedatzen jarraitzen du. Azido hialuronikoarekin konbinatuta, zahartzearen kontrako tratamendurik onena da, behar bezala eman eta zuzen baliatuz gero”, adierazi du Gomez doktoreak. Haren hitzetan, “gehienek lifting kirurgikoa aukeratzen dute, halere, eta kirurgiaren bidez, aurpegiaren hiru aldeak, bekokia, aurpegiaren erdialdea (masailak) eta alde zerbikala (lepoa) gaztetzen dira”.
Azal gazteei dagokienez, hainbat zaintza kosmetiko daude azala osasuntsu mantentzeko eta lehen zimurrak prebenitzeko; baina komenigarriena da fotobabesleak maiztasunez erabiltzea, argiak zahartzean duen eragina orekatzeko. Horrez gain, printzipio aktibo gisa erretinoideak eta/edo C bitamina purua duten produktu kosmetikoak erabili behar dira, gazteagotzeko.
Giltzadura-kartilagoen lesioen tratamenduan izandako aurrerapenak azaldu dituzte Ricardo Cuellar eta Juan Ponte doktoreek Poliklinika Gipuzkoaren Osasun Ikasgelan
Donostian, 2014ko maiatzaren 28an.- Ostegun honetan, maiatzak 29, Andia kaleko Kutxa Aretoan, giltzadura-kartilagoak tratatzeko azken aurrerapenei buruzko konferentzia izango dugu, Poliklinika Gipuzkoako Ricardo Cuellar eta Juan Ponte traumatologoen eskutik, “ARTROSIA SORTZEN DUTEN GILTZADURA KARTILAGOEN LESIOEN TRATAMENDUAN IZANDAKO AURRERAPENAK” izenburupean. Azalpenetan, traumatologoek giltzadura-kartilagoen lesioak artroskopia bidez konpontzeko teknika ez-erasokorrak aurkeztuko dituzte. Teknika horien helburua da artrosia ahalik eta gehien atzeratzea. Horrez gain, Orthokine izeneko tratamendu aringarri berriaren onurak azalduko dituzte. Infiltrazioetan oinarritzen da, eta urtebetetik hona aplikatzen ari dira, emaitza bikainekin.
“Espainiako biztanleriaren % 43k artrosia dauka, eta alde handia dago sexuen artean” azaldu du Ricardo Cuellar traumatologoak. “Bitxia bada ere -erantsi du Cuellarrek-, 50 urtetik beherakoen artean, kasu gehiago daude gizonetan, eta, 55 urtetik gorakoen artean, berriz, emakumeetan”. Adina beste faktore erabakigarri bat da. “Urteak aurrera joan ahala, gora doa, eta 30 urtekoen % 3ari eragiten dion bitartean, 80 urtetik gorakoen % 80ak dauka artrosia”, azpimarratu du Cuellarrek. Erantsi du “emakumeei dagokienez, eskuetako eta belaunetako giltzadurak kaltetzen dituela batez ere, eta gizonei dagokienez, aldakak dira narriatuenak”.
Giltzadura 3 edo 4 milimetroko lodiera duen esmalte-geruza da, eta hezur bakoitzaren muturra inguratzen du, hezurrek elkarren kontra ondo irrista dezaten, giltzadura mugitzean. Hortaz, kartilagoaren lesioek geruza hori osorik edo partzialki desagerrarazten dute. Bi arazo nagusi egon daitezke kartilago-galera horien atzean: lehenik, arazo mekanikoak, maiz kiroletako, laneko… traumatismoek eta adinarekin jasaten dugun narriadurak (artrosia) eragiten dituztenak; eta, bestetik, kartilagoa “jaten” duten prozesu erreumatikoak dira.
Ricardo Cuellarren hitzetan, “nobedaderik handiena da gaixo gazteen lesio zirkunskribatuak arta ditzakegula, batez ere jatorri traumatikoa edo endekapenezkoa daukatenak, artroskopia-teknikak eta mintzak edo adabakiak erabilita”. Aitzitik, lesioak giltzadura osoari eragiten dietenean, gomendatutako kirurgia-tratamendua ohiko kirurgia bidez protesiak edo inplanteak jartzea da, oraindik ere”.
Mina arintzea
Kartilagoaren patologia batzuetan, mina txikiagotzeko tratamendu aringarriak baino ezin dira eman. Horrela, kaltetutako giltzaduren gaitasun funtzionala hobetzen da, eta, beraz, gaixoaren bizi-kalitatea ere bai. Nahiz eta gaur egun tratamendu farmakologiko ugari eta infiltrazio bidezko hainbat substantzia dauden, nobedade nagusia Orthokine infiltrazioak dira.
“Orthokine terapiaren bidez, gaixoari kaltetutako giltzaduran aurretiaz egokitutako seruma infiltratzen diogu. Laborategian odol-lagin bakarra atera ondoren, gaixoa etxera doa. Orduan, odol-lagina egokitzen dugu, eta, horrela, programatuta eta gaixoari hobekien datorkion egunean, kontsultan bertan infiltratzen diogu”, azaldu du Juan Ponte traumatologoak. “Hazkuntza-faktoreak biltzen ditu, baina ezaugarri bereizgarria da mina denbora luzez arintzen duten agente antiinflamatorioak dituela, batez ere. Terapia hori edozein giltzaduretan aplika daiteke, eta astero 1 infiltrazio egiten da, 4 astez. Orokorrean, laugarren astetik aurrera, hobekuntza klinikoa ikus daiteke” baieztatu du Juan Ponte traumatologoak. “Tratamendu hau bereziki komenigarria da artrosi aurreratua eta mingarria duten gaixoentzat, beste tratamendu tradizionalak aplikatuta ere mina izaten jarraitzen dutenentzat, alegia”, adierazi du.
Maiatzak 17 eta 18 Laguntza bidezko Ugalketari buruzko Jardunaldiak
Donostian, 2014ko maiatzaren 16an.- Asteburu honetan, maiatzak 17 eta 18, Kursaal entzunaretoak “Laguntza bidezko Ugalketari buruzko Ate Irekietako Jardunaldiak” hartuko ditu, Poliklinika Gipuzkoako Emakumearen Unitateak antolatutakoak. Saioak 11:00etan hasiko da, eta sarrera askea da, edukiera bete arte. Asteburuko ekitaldiari amaiera emateko, Toño Lara Poliklinika Gipuzkoako Emakumearen Unitateko Laguntza bidezko Ugalketa Unitatearen koordinatzaileak hitzaldia emango du. Lara doktorearen hitzetan, jardunaldien helburua da “benetako interesa dutenei modu hurbilean eta argian ugalkortasun-arazoei buruzko informazioa ematea, ugalketa-zentro batera noiz joan behar den aholkatzea, eta, orokorrean, gaur egun zer teknika eskain ditzakegun azaltzea. Zehazki, eta adibide bat jartzearren, jardunaldien amaieran azalduko dugu nola lagun diezazuketen berrogei urteren ostean ama izan nahi baduzu. Izan ere, komunikabideek informazio ugari ematen badute ere, jendeak ez daki emakume edo bikote bakoitzak zenbateko ugalkortasuna espero dezakeen, noiz den komenigarria zentroetara joatea eta noiz erabili behar diren laguntza bidezko ugalketa-teknikak”.
Gaur egun, kalkulatzen da Espainian milioi bat bikote inguruk arazoak dituela haurra sortzeko, ugalkortasunarekin lotutako patologien ondorioz. Toño Lararen hitzetan, “faktore askok dute eragina bikotearen ugalkortasunean, eta, zehazki, 40 urte bete dituzten emakumeen kasuan, arrazoi nagusietako bat gaur egungo aldaketa soziokulturalak dira”.
Hark baieztatu duenez, “gero eta gehiago itxaroten dugu haurra edukitzeko, eta bikoteek 31 eta 32 urte dituzte batez beste lehen seme-alaba daukatenean”.
Ezagunak diren kanpo-faktoreak ez daudenean, aholkatzen da bikote gazte batek ugalketa-unitate espezializatu batera joan behar duela urtebetez saiatu ondoren ez duenean haurra edukitzea lortu. “Kontuan hartu behar da adin ugalkorrean dagoen bikote gazte -hogeita hamar urtetik beherakoak- eta osasuntsu batek % 25 aukera duela hilabete batean haurdun geratzeko, eta urtebetez saiatzen daramanean, aukera % 85 da; horregatik gomendatzen dugu urtebeteren ostean joatea kontsultara” ziurtatu du Lara doktoreak.
Adina eta ugalkortasuna
Emakumearen ugalkortasuna adinarekin estu lotuta dago: horrela, 20 urteko emakume batek % 25 aukera dauka ziklo ugalkor bakoitzean haurdun geratzeko, hau da, batez beste haurdunaldi bat lortuko luke ziklo ugalkorren lau hilabete bakoitzeko. Emakume hori 30eko hamarkadan sartzen denean, 6-7 hilabete beharko lituzke haurdun geratzeko, eta ziklo bakoitzeko % 15 aukera dauka. Ondorioz, haurdunaldia lortzeko behar diren ziklo ugalkorren hilabete-kopurua areagotzen da amaren adina gora doan heinean, eta 40 urte betetzean, ziklo ugalkor bakoitzeko % 3-5 aukera dauka, hots, 20 hilabete baino gehiago beharko ditu haurdun geratzeko.
Hitzaldietan zehar, Emakumearen Unitatearen espezialista-taldeak modu laburtuan azalduko du gaur egun zer nolako mediku-azterketa dauden gizonen eta emakumeen antzutasuna diagnostikatzeko, eta baita erabiltzen diren laguntza bidezko ugalketa-teknika anitzak ere.
“Duela 30 urte in vitro ernalketa asmatu zen, eta ziurta dezakegu teknikak oso modu mesedegarrian egin duela aurrera. Tratamenduak eta teknikak gero eta eraginkorragoak dira, eta erditze anizkoitzak gero eta urriagoak, umeki bakarra transferitzeko teknikak ditugulako eta hura garatzeko aukerak oso handiak direlako”, ziurtatu du Toño Larak.
Informazioa jasotzeko eta zure ugalkortasunari buruz dituzun zalantzak eta kezkak argitzeko gunea.
Policlínica Gipuzkoak antolatutako jardunaldi hauen helburua informazioa jaso eta zalantzak eta kezkak argitzeko gunea izatea da.
PROGRAMA:
Larunbatean Maiatzaren 17an
Igandean Maiatzaren 18 an
Apirilak 16, Ahotsaren Mundu Eguna
Donostian, 2014ko apirilaren 11n.- Xabier Altuna eta Carlos Saga doktoreek zuzentzen duten Poliklinika Gipuzkoako Otorrinolaringologia Zerbitzuak doako 20 ahots-azterketa egingo dizkie apirilaren 14, 15, edo 16rako hitzordua eskatzen duten pertsonei, apirilaren 16an Ahotsaren Mundu Eguna dela ospatzeko. Interesdunek 943 00 09 28 telefono-zenbakian eska dezakete hitzordua.
Kalkulatzen da Gipuzkoako biztanleen % 5 inguruk espezialista otorrinolaringologo baten esku-hartzea behar duen ahots-arazoren bat daukala.
Xabier Altuna otorrinolaringologoak ziurtatzen du “ahots-arazoak 25 eta 45 urte arteko pertsonetan direla ohikoen, eta emakumeen kopurua pixka bat handiagoa dela”. Gainera, Altuna doktoreak azpimarratzen du irakasleak direla patologia hori gehien jasaten duen sektorea. Zehazki, “irakasleen % 22,5ek disfonia dauka, ahotsaz neurri gabe baliatzeagatik, eta, hain zuzen ere, horixe da laneko baja hartzeko arrazoirik ohikoena”.
Euren kontsultatik, Altuna eta Saga doktoreek azaltzen dute “ahots-azterketa bat eginda, ahots-korden patologien % 95 diagnostika daitekeela”. Azterketa horretan, gaixoari elkarrizketa egiten diote, inoiz sintomarik izan duen jakiteko, eta, jarraian, ahots-kordak miatzen dizkiote, fibroskopio edo estroboskopio bidez. Kamera horiei esker, ahots-kordak mugitu bitartean azter daitezke, eta, horrela, horien funtzionamendua ikusi eta gaixoak patologiarik duen antzeman daiteke.
Ahotsaren Mundu Eguna
Espainiako Otorrinolaringologia Elkarteak Ahotsaren Mundu Egunaren XXV. Edizioa ospatzen du, biztanleak ahotsarekin lotutako patologien gainean sentsibilizatzeko, horien prebentzioa sustatzeko eta tratamenduetan egindako azken aurrerapenak ezagutarazteko. 1999an ospatzen hasi zen, eta, urtero bezala, aurten ere apirilaren 16an (datorren asteazkena) hainbat ekitaldi aurreikusi dira, horien artean azpimarratzekoak direlarik kantu-emanaldiak, ahotsa zaintzeko aholkuak, konferentziak eta hitzaldi hezitzaileak.//
