Neurologia nerbio-sistema zentrala eta periferikoa aztertzen duen medikuntzaren espezialitatea da eta nerbio-sisteman eragina duten gaixotasunen diagnostikoaz eta tratamenduaz arduratzen da, hala nola, garuneko arazo baskularren, dementzien (Alzheimerren gaixotasuna, besteak beste), zefaleen, epilepsiaren, Parkinsonen gaixotasunaren, era askotako esklerosien eta garunean, muinean, nerbio periferikoetan eta giharretan eragina duten beste gaixotasun batzuen diagnostikoaz eta tratamenduaz.

Horretarako, Policlínica Gipuzkoaren Neurologiako zerbitzuak neurologian aplika daitezkeen diagnostikorako sistemarik aurreratuenak (erresonantzia magnetikoa, eskanerra, spect-a, elektroentzefalografia, elektromiografia, potentzial moreak, doppler baskularra eta abar) berehala aplikatzeko aukera du. Honela, diagnostiko zehatzak eta tratamendu egokiak oso epe laburrean finka daitezke.


Lotutako albisteak

Gurutz Linazasoro en la Conferencia de Eibar.

“Alzheimer kasuen heren bat bizitza-estilo osasungarri batekin kontrola daitezkeen faktoreekin lotuta dago”

Neurologian espezialistak gomendioak eman zituen garun osasuntsu bat edukitzeko; garunak nola funtzionatzen duen azaldu zuen, eta azpimarratu zuen bizitza-estilo aktiboa edukitzea garrantzitsua dela gure garuna estimulatzeko, beti dagoelako gauza berriak ikasten.


Linazasoro doktoreak 2008 Parkinson Saria jaso du

Neurologiako Espainiako Sozietateak eman dio 2008 Parkinson Saria Policlínica Gipuzkoako Parkinsoneko Ikerketa Zentruko Zuzendaria den Gurutz Linazasoro doktoreari. Azken urtean egindako lan zientifikoa dela eta ematen diote sari hau, nazioarteko aldizkari ezberdinetan argitaratutako lan zientifikoak direla eta, besteak beste.

Madrilgo Sendagileen Elkargo Ofizialeko Anfiteatroan ekainaren 3an ospatu zen ekitaldian eman zioten sari hau Linzasoro Doktoreari. Bertan Neurologiaren arloko estatuko ikertzaile gailenak elkartu ziren, arlo sozialean gaitz hauen aurrerapenetarako lan egin duten beste pertsona nabarmenekin batera.


Zelula dopaminergikoen banku bat sortzeko bildu dira Donostian ikerlariak

Ama-zelulen ikerketan espezializatutako neurologo, neurozientzialari eta ikertzaile bildu dira Poliklinika Gipuzkoan Parkinson Gaixotasunean terapia birsortzailea aplikatu ahal izateko ama-zelulekin egiten den ikerketaz eztabaidatzeko. Hain justu, ikerketa horren lorpenak eta erronkak aztertu dituzte.

Ama-zelulen ikerketan espezializatutako 40 neurologo, neurozientzialari eta ikertzaile baino gehiago bildu dira ostiralean, irailak 14, Poliklinika Gipuzkoako Ekitaldi Aretoan. Parkinson gaixotasuna duten gaixoei tratamendu birsortzailea aplikatu ahal izateko ikerketaren lorpenei eta erronkei buruz eztabaidatu dute.

Dopamina sustantzia sortzeaz arduratzen diren garuneko neuronen endekapen progresiboaren ondorioa da Parkinson gaixotasuna. Gaur egun, medikazioa da dopamina falta ordezkatzeko tratamendurik ohikoena.

Parkinson gaixotasunerako terapia birsortzaileari buruzko jardunaldi zientifiko honetan, zenbait ikerketa aurkeztu dituzte adituek: kalitateko zelula dopaminergikoak (Parkinson gaixotasuna dutenen organismoan ezarri eta ongi onartzeko modukoak, alegia) sortzeko eta mantentzeko metodoei buruz zer ikerketa egiten ari diren azalduko dute. Izan ere, jada lortu dira zelula dopaminergikoak azaleko ama-zelulen bidez, enbrioietako ama-zelulen bidez eta gorputz karotideoetako ama-zelulen bidez, baita pertsona helduen garuneko ama-zelulen bidez ere.

Halaber, transplanteetan arazorik sor ez dadin (errefusa, besteak beste) egiten den ikerketaren egoera ere hizpide izango da jardunaldian. Lortutako zelula dopaminergikoen kalitatea eta biziraupena hobetze aldera nanomaterialak aplikatzeaz ere aritu dira.

Azken finean, adituen nahia zera da: zelula dopaminergikoen banku bat izatea, eskatu ahala erabiltzeko modukoa. Zelula horiek Parkinson gaixotasuna sendatuko ez duten arren, gaixoen bizitza-kalitatea hobetuko dute. Gaur egun badira antzeko bankuak, bestelako gaixotasun batzuei (leuzemiari, esaterako) aurre egiteko. Etorkizun hurbil samarrean zelula dopaminergikoen banku bat izango dugu, Parkinson gaixotasunaren tratamendu birsortzailerako.

 

Parkinson gaixotasunerako terapia birsortzaileari buruzko ikerketa Euskadin

Medikazioa ez den beste aukera bat eskaintzeko asmoz, Poliklinika Gipuzkoako Karlos Elosegi Fundazioak eta Inbiomed Fundazioak Terapia Birsortzailearen Unitate Funtzionala sortu dute. Unitate horretan, zelula dopaminergikoak azaleko ama-zelulen bidez nola lortu ikertzen da. Hain justu, Euskadin dauden 4.500 gaixoen bizi-kalitatea nabarmen hobetzea da unitate horren asmoa.

Ildo horretatik, Fabio Cavaliere Neurozientzietako Doktorea ama-zelulen bidez lortutako neurona dopaminergikoen garapenaz aritu da ostiralean, irailak 14, Poliklinika Gipuzkoan  jardunaldi zientifikoan. Fabio Cavaliere Neurozientzietako Doktore izendatu zuten Erromako “Tor Vergara” Unibertsitatean. Egun, Terapia Birsortzailearen Unitate Funtzionalean lan egiten du, Parkinson gaixotasunerako Neurozientzien eta ama-zelulen ikerketa-proiektuan.

Ikerketa-proiektu hori sendotu egingo da Poliklinika Gipuzkoak, Inbiomed Fundazioak eta Kutxak hemendik gutxira sinatuko duten lankidetza-hitzarmenaren ondorioz. Hitzarmen horri esker, lankidetza sustatuko da, Parkinson gaixotasunaren tratamendurako estatuan terapia birsortzaileari buruzko ikerketak egiten ari diren adituen artean. Hala, Gipuzkoa bilakatuko da ikerketa horren erreferentea eta aitzindaria.

 


Parkinsonerako adabakia

Gipuzkoako Poliklinikaren Parkinsona Ikertzeko Zentroak Parkinsona tratatzeko adabakiaren eraginkortasuna testatzen parte hartu du Estatuko zein Europako beste zentro batzuekin batera. Zehazki, paziente gipuzkoarrekin bi entsegu egin ditugu, eta adabakiaren ezaugarriak hobetzeko eta haren eraginkortasuna egiaztatzeko modua eman digute. 2004. urtetik, Gipuzkoako Poliklinikaren Parkinsona Ikertzeko Zentroak, Gurutz Linazasoro doktoreak zuzenduta (neurologoa), hainbat entsegu kliniko egin ditu eta horiek Parkinsona tratatzeko adabakiaren eraginkortasuna egiaztatu dute. Pazienteen sintomak argi eta garbi hobetu direla antzeman dugu, eta adabakia erabiltzea erosoagoa da pilulak baino; gainera, bizitza arrunt bat izateko modua ematen du ia.

Parkinson-adabakiak era askotako dosiak ematen dituen medikamentua dauka; bere printzipio aktiboa rotigotina da. Adabakiaren bidez, azalak substantzia kimiko hori xurgatzen du modu jarraikian bere ondorioak irauten dituen 24 orduetan eta, odolaren bidez, burmuinera heltzen da; bertan, dopaminaren ordezkoa egiten du (dopamina mugimendu-kontroleko eta organismo-koordinazioko zentroei informazioa ematen dien neurotransmisorea da); izan ere, haren gabeziak Parkinsona agerrarazten du.

Parkinsona tratatzeko adabakiak bereziki egokiak dira gaixotasunaren fase aurreratuetan dauden pazienteentzat, irensteko arazoak antzematen zaienentzat eta, kirurgia bidezko ebakuntza egin ondoren, operazio ondoko fasean daudenentzat.