Zelula dopaminergikoen banku bat sortzeko bildu dira Donostian ikerlariak

Ama-zelulen ikerketan espezializatutako neurologo, neurozientzialari eta ikertzaile bildu dira Poliklinika Gipuzkoan Parkinson Gaixotasunean terapia birsortzailea aplikatu ahal izateko ama-zelulekin egiten den ikerketaz eztabaidatzeko. Hain justu, ikerketa horren lorpenak eta erronkak aztertu dituzte.

Ama-zelulen ikerketan espezializatutako 40 neurologo, neurozientzialari eta ikertzaile baino gehiago bildu dira ostiralean, irailak 14, Poliklinika Gipuzkoako Ekitaldi Aretoan. Parkinson gaixotasuna duten gaixoei tratamendu birsortzailea aplikatu ahal izateko ikerketaren lorpenei eta erronkei buruz eztabaidatu dute.

Dopamina sustantzia sortzeaz arduratzen diren garuneko neuronen endekapen progresiboaren ondorioa da Parkinson gaixotasuna. Gaur egun, medikazioa da dopamina falta ordezkatzeko tratamendurik ohikoena.

Parkinson gaixotasunerako terapia birsortzaileari buruzko jardunaldi zientifiko honetan, zenbait ikerketa aurkeztu dituzte adituek: kalitateko zelula dopaminergikoak (Parkinson gaixotasuna dutenen organismoan ezarri eta ongi onartzeko modukoak, alegia) sortzeko eta mantentzeko metodoei buruz zer ikerketa egiten ari diren azalduko dute. Izan ere, jada lortu dira zelula dopaminergikoak azaleko ama-zelulen bidez, enbrioietako ama-zelulen bidez eta gorputz karotideoetako ama-zelulen bidez, baita pertsona helduen garuneko ama-zelulen bidez ere.

Halaber, transplanteetan arazorik sor ez dadin (errefusa, besteak beste) egiten den ikerketaren egoera ere hizpide izango da jardunaldian. Lortutako zelula dopaminergikoen kalitatea eta biziraupena hobetze aldera nanomaterialak aplikatzeaz ere aritu dira.

Azken finean, adituen nahia zera da: zelula dopaminergikoen banku bat izatea, eskatu ahala erabiltzeko modukoa. Zelula horiek Parkinson gaixotasuna sendatuko ez duten arren, gaixoen bizitza-kalitatea hobetuko dute. Gaur egun badira antzeko bankuak, bestelako gaixotasun batzuei (leuzemiari, esaterako) aurre egiteko. Etorkizun hurbil samarrean zelula dopaminergikoen banku bat izango dugu, Parkinson gaixotasunaren tratamendu birsortzailerako.

 

Parkinson gaixotasunerako terapia birsortzaileari buruzko ikerketa Euskadin

Medikazioa ez den beste aukera bat eskaintzeko asmoz, Poliklinika Gipuzkoako Karlos Elosegi Fundazioak eta Inbiomed Fundazioak Terapia Birsortzailearen Unitate Funtzionala sortu dute. Unitate horretan, zelula dopaminergikoak azaleko ama-zelulen bidez nola lortu ikertzen da. Hain justu, Euskadin dauden 4.500 gaixoen bizi-kalitatea nabarmen hobetzea da unitate horren asmoa.

Ildo horretatik, Fabio Cavaliere Neurozientzietako Doktorea ama-zelulen bidez lortutako neurona dopaminergikoen garapenaz aritu da ostiralean, irailak 14, Poliklinika Gipuzkoan  jardunaldi zientifikoan. Fabio Cavaliere Neurozientzietako Doktore izendatu zuten Erromako “Tor Vergara” Unibertsitatean. Egun, Terapia Birsortzailearen Unitate Funtzionalean lan egiten du, Parkinson gaixotasunerako Neurozientzien eta ama-zelulen ikerketa-proiektuan.

Ikerketa-proiektu hori sendotu egingo da Poliklinika Gipuzkoak, Inbiomed Fundazioak eta Kutxak hemendik gutxira sinatuko duten lankidetza-hitzarmenaren ondorioz. Hitzarmen horri esker, lankidetza sustatuko da, Parkinson gaixotasunaren tratamendurako estatuan terapia birsortzaileari buruzko ikerketak egiten ari diren adituen artean. Hala, Gipuzkoa bilakatuko da ikerketa horren erreferentea eta aitzindaria.

 


Ekainaren 14ean: Kolesterola eta bihotza Osasun-ikasgelako gaiak

Ekainaren 14ean Montes Doktorea “Kolesterola eta bihotza” gaiari buruzko konferentzia aurkeztuko du Andia Kalean dagoen Kutxa Aretoan 19,30etan.

Osasun Ikasgelako hitzaldi honen bidez, arterioesklerosiaren prozesua eragiten duten arrazoiak zein diren azaldu nahi dugu. Faktore hauen artean, batzuk alda daitezke eta beste batzuk ez.

Arterioesklerosiaren prozesuak ahalik eta motelen aurrera egin dezala lortzea da gure helburua, aldaerrazenak diren arrisku-faktoreak eraldatuz. Alde horretatik, Kardiologia Zerbitzuan herritar guztien bizialdia eta bizi-kalitatea hobetzen ahalegintzen gara.


Policlinica Gipuzkoa eta Dr. Carlos Elosegui Fundazioaren aldizkari berriak

Policlinica Gipuzkoaren 13garren alea eta Dr. Carlos Elosegui Fundazioaren 3garren alea argitaratu ditugu.

Aldizkari berriak ikusteko eta PDF formatuan deskargatzeko aukera lotura hauetan aurkituko dituzu:

Policlinica Gipuzkoaren 13garren alea:
www.policlinicagipuzkoa.com/revista.php?tabla=revista_policlinica

Dr. Carlos Elósegui Fundazioaren 3garren alea (I+D+i): www.policlinicagipuzkoa.com/revista.php?tabla=revista_carlos


Txirrindularientzako konseilu mediku-deportiboak

Los especialistas de la Unidad de Medicina Deportiva aportan recomendaciones para que los cicloturistas obtengan el máximo rendimiento y disfruten de las pruebas del calendario deportivo en las que se dan cita.

Desde la Unidad de Medicina Deportiva se ha elaborado un documento que recoge los consejos médico-deportivos que debe seguir cualquier cicloturista que quiera sacar el máximo rendimiento a las pruebas cicloturista que se presente, de forma saludable.

Osasun-azterketa egiteko informazio gehiago nahi baduzu:
Telf. 943 00 28 52
e-mail: chequeos@med.policlinicagipuzkoa.com 

Kirola egiteko sendagileen aholkuak:

 


Odol emailearen eguna Poliklinika Gipuzkoan

“Eman odola, eman bizia”: Policlinica Gipuzkoa, Gipuzkoako Odol Emaileen Elkarteak antolatzen duen odol emailearen egunean parte hartzen du

Apirilaren 23an, astelehena, Policlinica Gipuzkoa bere Ateneo Gela prestatuko du goizeko 9,30etatik – 12,30etara emaileak bere odola emateko aukera izateko.  

Aurten ere, Policlinica Gipuzkoa Odol Emaileen Elkarteak antolatzen duen emailearen egunean parte hartzen du.


Presbicia eta Laser Excimer Osasun Ikasgelako gaiak

Aramendia Doktorea izango da Osasun Ikasgelaren hizlaria apirilaren 19an 19,30etan Andia Kalean dagoen Kutxa Aretoan.

Miopia Laser Excimer teknika erabiliz operatzen da, duela 17 urte baino lehenagotik. Gaur egun, teknika hau ondo sendotuta dago, segurua da, eta hipermetropia eta astigmatismo kasuetan ere aplikatzen da.

Pertsona batek duen miopia, hipermetropia edo astigmatismoa opera daitekeen jakiteko, ezinbestekoa da behar bezalako azterketa egitea; horrela, bere kasua Laser kirurgia erabiltzeko egokia den edo bestelako kirurgia mota bat erabili behar den jakingo da.

Egun, 55 urte baino gehiago eta presbizia izanik, betaurrekoak dituzten pertsonek, begi-barneko lente multifokal modernoak erabil ditzakete, eta doiketa bat egin dezakete Laser Excimer bitartez, gertutik eta urrutitik ondo ikusi ahal izateko.

 


Erreduren Zainketeei buruzko Osasun Gela

José Manuel Santos eta Javier Legorburu Poliklinika Gipuzkoako Kirurgia Plastikoa, Erreparatzailea eta Estetikoaren Zerbitzuaren Doktoreak martxoaren 15ean erreduren zainketeei buruzko Osasun Ikaskela antolatu dute Andia kalean dagoen Kutxako Aretoan 19,30etan. Sarrera dohainik da.
Larruazala da giza gorputzak kanpoen duen organoa, kanpoko munduarekin kontaktuan dagoena. Larruazalak babestu egiten gaitu, gorputz guztia bilduz eta erabateko mugak jarriz. Horregatik, hain zuzen, inork ere ez du zalantzan jartzen larruazalak duen garrantzia, zaindu eta lesioetatik babestu beharra, ondo dagoenean egokiro artatu beharra.

Osasun Ikasgela honetan, beroak larruazalean izan dezakeen eraginaz jardungo dugu, bero horren indarra eta iraupena erredurak sortzerainokoa izan daitekeenean, batik bat. Lehenengo, errepaso bat emango diogu larruazalari, bere osagaiak eta funtzioak aztertuz. Gero, larruazalari erredurekin egiten diogun ia etengabeko eraso horretaz arituko gara: nolako erredurak dauden, zer-nolako mekanismoak dituzten, beren mailak eta hedapena, etab. Eta azkenik, modu sakonxeago batean, erredurak tratatzeko moduez jardungo dugu.

Erredura gehien-gehienak istripuz egindako lesioak dira. Ustekabean edo nola jokatu ez jakiteagatik egindakoak. Lehen laguntza ematea, hezkuntza-helburu bat da osasunean. Osasun Ikasgela honetan erreduren eguneroko errealitateaz ohartzera gonbidatu nahi ditugu bertaratzen diren guztiak, ondorio funtzionalak eta/edo estetikoak sortzeko arriskua dute-eta.


Miopia eta/edo Astigmatismoa zuzenketa garantia osoarekin

Poliklinika Gipuzkoako Laser Excimer Unitateak zure eskura jartzen ditu teknologia berriak miopia eta/edo astigmatismo arazoak konpontzeko eta zuzentzeko.

Laser Excimer Unitatea teknologia berriak erabiltzen ditu MIOPIA eta/edo ASTIGMATISMOA duten pertsonen arazoak garantia osoarekin konpontzeko eta zuzentzeko.

Telf: 943 00 28 02


Idorreriari buruzko ikuspegi berriak osasun gelan

Martinez Doktorea izango da Osasun Gelaren hizlaria otsailaren 15ean 19,30etan Andia Kalean dagoen Kutxa Aretoan, Andia Kalean.

Idorreria ez da gaixotasun bat, gaixotasun askoren sintoma baizik. Populazioaren portzentaia handi batek du idorreria, % 20k gutxi gorabehera.

Hitzaldi honetan, gaur egun pertsona idorra zer den azalduko dugu. Arazo hau sarriago nork duen aipatuko dugu, eta baita hori zergatik gertatzen den ere. Era berean, idorreriaren zergatia aztertuko dugu, hau da, horren kausak.

Bigarren zatian, idorreria egun nola baloratu eta ikertu behar den aztertuko dugu. Patologia ikertzeko orain ditugun frogei esker, hori hobeto azter dezakegu, eta beraz, kasu bakoitzerako tratamendua hobeki bideratu.

Azkenik, gaur egun erabiltzen ditugun tratamenduak argituko ditugu; osasun- eta dieta- neurriak lehenbizi; ondoren botika eta errehabilitazioa; eta amaitzeko, idorreria-ebakuntzak.