Zerbitzu-instalazio berriek azterketak egiteko puntako teknologia eta arlo ezberdinetan mediku espezialistak dituzte espezialitate hauetan: Hematologia, Biokimika, Immunologia, Mikrobiologia eta Serologia.

Zerbitzua eskuragarri dago urteko 365 egunetan

Larrialdietan, laborategia funtzionamenduan dago 364 egunetan, 24 orduz.

Aurretiko hitzordurik gabe presazkoa ez den arreta emateko ordutegia:

Astelehenetik ostegunera 8:00etatik 19:15etara.

Ostiralak 8.00etatik 16.15etara.

Larunbatetan 8:00etatik 11:00etara.

Azterketa Klinikoetarako laborategia -1 solairuan dago.

 

Odola ateratzen duten gaixoentzako gosaria dohainik

Analisiak egitera baraurik datozen gaixoek doako gosari-txartela eska dezakete goizeko 11:00k arte Azterketa Klinikoen erakusmahaian.

Poliklinika Gipuzkoak odol-erauzketarako gune hauek ditu:

Donostia

  • Poliklinika Gipuzkoa – Miramon Pasealekua 174
  • Sorospen Gela – Bengoetxea kalea 4

Eibar

  • Poliklinika Gipuzkoaren Kontsultetarako Zentroa Eibarren – Ibarkurutze kalea 2

 

Lotutako albisteak

Dagoeneko egin daitezke PCR analisiak eta test serologikoak, COVID 19a dugun edo pasatu dugun zehazteko, preskripzio medikorik gabe.

Covid 19en bidezko infekzioa hainbat analisien bidez hauteman daiteke, eta horiek duela egun batzuetatik eska daitezke preskripzio medikorik gabe. Horien artean, PCR proba eta antigorputzak detektatzen dituen odol-testa nabarmentzen dira. Poliklinika Gipuzkoan zerbitzu berri hau zabaldu da, hala eskatzen duen edonork analitikak zentroan egin ditzan ordua eskatu beharrik gabe, test serologikoaren kasuan. Gainera, eskaintzak aukera ematen du interesdunek osasun azterketa bat egin ahal izateko, beraien osasun egoera ebaluatzeko COVID-19a pasa duten edo pasa dutela uste badute.

Zer da PCR-a?

Birusa detektatzeko metodorik sentikorrena eta zehatzen da, eta egiteko, hitzordua eskatu behar da aldez aurretik. Frotis nasofaringeoaren bidez egiten da, eta makiltxo bat sartzen da sudurrean, lagina lortzeko. Test horren emaitza ez da berehalakoa, laborategian aztertu behar da eta emaitzak positiboak izan daitezke. Horrek esan nahi du birusa laginean dagoela eta pertsona kutsatuta dagoela. Edo negatiboa; horrek adierazten du birusa ez dagoela laginean eta pertsona ez dagoela kutsatuta, baina ez du zehazten probaren aurretik birusa izan dugun edo ez; beraz, baliteke beste proba bat egin behar izatea.

PCR probetarako hitzordua hartu behar da, eta mezu elektroniko bat bidali gixane.antonanzas@quironsalud.es helbidera. Ordutegia: astelehenetik ostegunera, 10:00etatik 12:00etara, eta ostiraletan, 9:00etatik 12:00etara. Prezioa 140 € da.

Test serologikoa odol-analisiaren bidez

Test hori odol-analisi batetik abiatuta egiten da, eta laborategian aztertuta, sortutako antigorputzak identifikatu ahal izango dira, pazientea birusarekin kontaktuan egon bada. Proba hau Poliklinika Gipuzkoan egiteko ez da beharrezkoa ordua eskatzea; nahikoa da zerbitzuko mostradorera joatea proba eskatzeko. Emaitzak ez dira berehalakoak, laborategian aztertzen baitira. Prezioa 60 €da.

Post COVID-19 azterketari dagokionez, pazienteari bere bizi-kalitatea hobetzeko behar duen lasaitasuna eta informazioa ematea da helburua, COVID-19ren gaixotasuna pasatu ondoren edo gaixotasuna izan duela susmatu ondoren haren osasun-egoera eta ondorio fisikoak ezagutuz. Poliklinika Gipuzkoan zerbitzu hori eskaintzen zaie pazienteei, proba guztiak egun berean eginda eta prozesuan laguntzaile bat ondoan dutela. Txekeoa telefono bidezko kontsulta mediko batekin hasten da, pazienteak ospitalera joateko beharrik izan ez dezaten. Horrela, mediku batek kasu bakoitza baloratuko du. Immunitate-, birika- eta bihotz-hodietako sistemaren proba espezifikoak egingo zaizkion zentrora joateko deituko zaio, bi ordu inguruko epean egingo zaizkio. Balorazioa eta emaitzak emango zaizkio, eta hilabeteko epean segimendua egingo zaio. Txekeoan odol- eta gernu-analisi osoa sartzen da. Txekeoaren prezioa 590 €koa da, gosaria eta aparkalekua barne. 12 hilabeterako ordaintzeko erraztasunak eskaintzen dira.

Txekeo bat egiteko hitzordua eskatzeko, deitu telefono honetara: 900 250 255.