Policlinica Gipuzkoako Carlos Elosegi Doktorea Fundazioak eta Gipuzkoako Foru Aldundiak kirolari eta haurren obesitateari buruzko lehen ikerketa sustatu dute Gipuzkoan.

Policlinica Gipuzkoako Carlos Elosegui Doktorea Fundazioak haurren obesitateari buruz Gipuzkoan egin den lehen ikerketa sustatu du Policlinica Gipuzkoako Kirol-Medikuntza Zerbitzuaren bitartez eta Gipuzkoako Foru Aldundiko Kirol Zuzendaritza Nagusiarekin elkarlanean.

“KILOGIP: Kirola eta loditasuna Gipuzkoan – Ariketa fisikoa eta obesitatea eskola-adinean” ikerketak ezagutzera eman du, lehen aldiz Gipuzkoan, obesitateak eta gehiegizko pisuak zenbaterainoko eragina duen Gipuzkoako haur-biztanlerian. Zehazki obesitateak gehien eragiten duen adin tartean jarri du arreta ikerketak. Helburua da esku-hartzeko estrategia eraginkorrak ezartzea, arazo hau prebenitu ahal izateko; izan ere, neurririk hartzen ez bada, loditasuna arazo handienetako bat izatera iritsi liteke datozen urteetan.

KILOGIPek 1.809 ikaslek osatutako lagina analizatu du 2003-2008 tartean: 8 eta 15 urte bitarteko 922 mutil eta 887 neska galdekatu ditu zehazki, Gipuzkoako 7 eskualdetakoak.

Pérez de Ayala Doktoreak, Policlinica Gipuzkoako kirol-medikuntza zerbitzuko arduradunak, gidatu du ikerketa. Ondoan izan du beste diziplina batzuetako espezialistek osatutako taldea. Talde horretan ziren Amaia Ramirez doktorea eta psikologoa eta Laura González eta Nerea Sáenz de Urturi nutrizionistak.

KILOGIPen azterketak badu balio erantsi bat ere: haurren obesitatean eta gehiegizko pisuan eragiten duten aldagaien artean zer lotura dagoen zehazten du; hau da, besteak beste gorputz-osaeraren, maila fisikoaren, elikaduraren edo nork bere buruaz duen irudiaren artean zer lotura edo harreman dagoen.

Aldagaien analisi hau aintzat hartuta, KILOGIPek hainbat datu esanguratsu nabarmendu ditu. Esaterako: Gipuzkoako mutilen %21ek eta nesken %17,3k gehiegizko pisua eta obesitatea pairatzen du eta ikasleen %97k ez du NAOSen gomendioetan zehaztutako adina fruta eta barazki hartzen egunean.

El Servicio de Cirugía Plástica, Estética y Reparadora de Policlínica Gipuzkoa realiza un volumen de 300 intervenciones anuales y aplica otros tantos tratamientos no quirúrgicos que permiten solucionar problemas de estética facial y corporal a pacientes.

Policlinica Gipuzkoako Kirurgia Plastiko, Estetiko eta konpontzaileko Zerbitzuak 300en bat operazio egiten ditu urtean, eta kirurgiaz kanpoko beste horrenbeste tratamendu aplikatzen, pazienteen aurpegiko eta gorputzeko arazoak konpontzeko.

Policlinica Gipuzkoa Osasun Aretoan emango den hitzaldi berri honetan, Pedro Cormenzana eta Laura Fernández dk.ek (Gipuzkoako Poliklinikako Kirurgia Plastiko, Estetiko eta Konpontzaileko Zerbitzuko espezialistek), jendearen itxura hobetu eta zuzentzeko gaur egun jeneralean zein operazio kirurgiko egiten diren eta kirurgiaz kanpoko zein tratamendu aplikatzen diren azalduko dute.

Cormenzana dk.ari dagokionez, aurpegiko operazio kirurgikoak aurkeztuko ditu berak; besteak beste, errinoplastia  hau da, sudurreko arazo estetikoak zuzentzeko aukera ematen duena , belarriak zuzentzeko modua, betazaletan egin daitezkeen gauzak, eta aurpegia gaztetzen laguntzen duten operazioak, hala nola lifting-a.

Eta Laura Fernández dk., berriz, gorputz-inguruneko biguntasunak –hala nola sabelalde, beso eta izterretakoak  kentzeko egiten diren operazioez mintzatuko da.

Sarrera dohainik
Kutxaren Ekitaldi-Aretoa
Andia kalea – Donostia
2008ko maiatzaren 15a, osteguna
19,30etan

Apirilaren 17a 19,30etan, Michel eta D´Amato doktoreak antsietate-krisia-ri buruzko hitzaldia botako dute donostiako Andia Kalean dagoen Kutxa aretoan.

Herstura-atakea edo larritasun-krisia nahiko maiz agertzen den patologia akutua da; izan ere pertsonen % 11ri erasaten baitiote angustia gertakari horiek. Gorputz guztiak jasandako ekaitzaren moduan agertzen da.

Gipuzkoako Poliklinikaren Osasun-aretoko hitzaldi honetan, Begoña Michel dk. psikiatrak eta Ana Mª D’Amato psikoanalistak patologia honi buruz hitz egingo dute, horren sintomatologia, koadroak dituen adierazteko moduak eta tratamendu posibleak jorratuz.

Angustia edo larritasun-krisia asko agertzen denez eta patologia honek hedapen handia duenez komunikabideetan, patologia honekiko interesa areagotzen ari da.

Horrela, herstura-atakeekin zerikusia duten hainbat alderdiren gainean arituko dira hitzaldian, esaterako, larrialdi-egoera, eskainitako arreta, beste espezialista batengana joatea edo diagnostikoaren betetze-maila bezalakoen inguruan, besteak beste.

Hurrengo ostegunean, martxoaren 13a 19,30etan, Segurado doktoreak lepoko zartakoari buruzko hitzaldia botako du donostiako Andia Kalean dagoen Kutxa aretoan.

Lepoko zartakoa urtean 1.000 pertsonatik batek izaten du, eta intzidentzia hori gure inguruko zifretara ekarrita, gutxi gorabehera urtean 2.000 kasu berri izaten direla Euskadin esan nahi du horrek.

Policlinica Gipuzkoaren Osasun-aretoko hitzaldi honetan, Gipuzkoako Poliklinikako Traumatologiako espezialista den Segurado dk.ak zirkulazio-istripuetan sortzen diren lepoko lesioei buruz hitz egingo du.

Azken urteetan, mota honetako lesioak ugaltzen ari dira, zeren automobilen kopurua handitu egin baita. Nahiz eta kopuru-ugaritze horrek biztanle guztiei eragiten dien, eta horrela azalduko du hitzaldian Segurado dk.ak, lepoko zartakoa gehienbat emakumeek izaten dute.

Datu hori eta baita beste batzuk ere aztertuko dira hitzaldian: lepoko zartakoak sortzen dituen arazoen ezaugarriak, lepoko zartakoa sortzen duten mekanismoak eta behin sortuz gero tratatzeko jarraitu behar diren pausoak. Prebentzioa ere aztertuko da, adibidez, zirkulazio-bideak eta automobiletako babes-neurriak hobetzea.

Gipuzkoako Poliklinikaren Osasun-aretoko hitzaldi honetan, Barne Medikuntzako Zerbitzuko espezialista den Alberto Pierola dk. neke kronikoaren sindromeari (NKS) buruz arituko da.

Gaixotasun honen ezaugarria neke ikaragarria izatea da, ez dena gutxitzen atseden hartuta, eta txartu daitekeena jarduera fisikoarekin eta mentalarekin. Gaixotasun honen ohiko sintomak hauek dira: neke handia, min jeneralizatua, loaldia aldatzea, herstura, depresioa, kolona minbera, buruko mina, etab.

Ikerketen arabera biztanleriaren % 0,5a hartzen du neke kronikoak. Espainian gaixotasun hori 200.000 pertsona inguruk izaten duela estimatzen da. Emakumezko heldu gazteen artean izaten da gehien.

Gaur egun ez dago sendatzeko tratamendurik, baina sintomak asko hobe daitezke, berez baliaezintasuna ekartzera irits daitekeen gaixotasun hori larritzen duten faktoreak saihestuz.

Pierola doktoreak "Neke kronikoa"-ri buruzko konferentzia digitalean eman dituen azalpenak bisitatu: 
http://salud.diariovasco.com/index.htm

Policlinica Gipuzkoa-k aurrerapauso nabarmena eman du. Bere instalazio nagusienak handitu eta berritu ditu gaur egungo medikuntzak eta etorkizunekoak sorteen dituzten erronkei erantzuteko.

Instalazio hauek urriaren 25ean inauguratu du Juan José Ibarretxe Lehendakariak eta euskal erakunde nagusienak batera.

Instalazio berrietan –Kirurgia-blokea deitu dugun horretan– inbertsio sendoa egin dugu, anbizio handikoa, etorkizuneko konpromisoei ere sendotasun horrekin berarekin aurre egiteko.

Euskal Herrian erreferentziazko osasun-zentro pribatua da gure klinika; kirurgia- eta osasun-zerbitzu aurreratuenak eskaintzen ditu, kalitate handikoak. Aitzindariak gara hainbat mediku-alorretan, eta profesional talde bikaina daukagu. Diagnosia egiteko eta tratatzeko aukera eta baliabiderik onenak eskaintzen ditu gure klinikak profesional horien eguneroko lanari esker.

Gaur egun 12.000 lagun ospitaleratzen eta artatzen ditugu urtean eta 10.000tik gora ebakuntza kirurgiko egiten ditugu. Gure jardueraren %85 kirurgia alorrekoa da, eta, jardun horretatik %45, kirurgia anbulatorioak osatzen du.

Aurre-aurrean egoteko lortutako posizioa mantentzeko eta asistentziarekiko eta gizartearekiko konpromisoak hobeki betetzeko, zutabe sendoak ditu Policlinica Gipuzkoak: baliabide material aurreratuenak dauzka, hobetzea bilatzen du etengabe,
kalitatea eskaintzen du asistentzian eta pertsonekiko tratuan eta I+D+I-ren alde egiten du apustu.

Zutabe horiek areago sendotu dira instalazio berriak martxan jartzearekin. Kirurgia-bloke berrian, alor honetan ezarritako azken berrikuntzak jarri dira; berrikuntza horiei esker gai izango gara etorkizuneko medikuntzak sortzen dituen erronkei aurre egiteko. Osasun-zentro pribatu honek kalitatea eskaintzen eta erreferentzia izaten jarraitu nahi baitu eta bide berriak urratu nahi baititu.