Gaur, osasun gela: Kirurgia ez oso inbaditzaileen aurrerapenak kirugia digestiboan eta endokrinoan

Laparoskopia bidez egiten den obesitatearen kirurgia arrakastatsua da %90 baino gehiagoan

Jose Maria Enriquez-Navascues, Javier Murgoitio eta Jose Luis Elosegi doktoreek (Gipuzkoako Poliklinikako Obesitatearen Diziplina Anitzeko Unitatearen taldeko kideak) ia inbaditzailea ez den kirurgian izandako azken aurrerapenez hitz egingo duten ostegun honetan Osasun Gelan. Adituek azaltzen dutenez, “obesitateaz mintzatzean hainbat kontzeptu bereizi behar dira; ez da gauza bera, gehiegizko pisua, obesitatea eta obesitate morbidoa”. Gipuzkoan herritarren %40k gehiegizko pisua, %15,7k obesitate arina, %1,5ak larria eta %0,5ak morbidoa duela kalkulatzen da. Horrek zera esanahi du, obesitate larri eta morbidoa duten 18 eta 64 urte bitarteko 4.000. gipuzkoar baino gehiagok kirurgia beharko luketela”. Kirurgia bariatrikoa egiteko teknika laparoskopikoak erabiltzea urrats erabakigarria izan da kirurgia horren alde. Horrela, askoz bezero gehiago artatu ahal dira eta morbilitatea murriztu egin daiteke; izan ere, oso orbain gutxi uzten duen kirurgia da eta ospitaleratzea ere murriztu egiten da (bezeroa gutxi gorabehera lau egunetan etxera doa). Ebakuntza arrakastatsua da %90 baino gehiagoan eta bezeroak %30-50 bitartean jaisten du bere pisua. “Esate baterako, 120 kg-ko pisua duen bezero batek 36-48 kg bitartean galtzea arrakastatsutzat jotzen da”, doktoreek diotenez. Azken urteetan, era berean, urratsak eman dira kirurgia bariatrikoan erabiltzeko irtenbideetan. Ezagunena “by-pass” gastriko deritzona da, emaitzak bikainak eman dituena. Azken hilabeteetan “Sleeve gastrikoak” indarra hartu du. Azken hori urdail-kurbadura aski erauztean datza. Diziplina anitzeko taldea Kirurgia oso garrantzitsua den moduan, oso garrantzitsua da diziplina anitzeko profesionalez osatutako taldea izatea, bai ebakuntza aurreko fasean eta baita ostekoan ere. Gipuzkoako Poliklinikan Enriquez-Navascues, Murgoitio eta Elosegui doktoreak dira kirurgia bariatrikoko taldeko buruak. Gainera, taldean psikologo bat eta dietista ere badira. “Ezinbestekoa da endokrinoak edo nutrizionistak ebakuntza baino lehen bezeroarekin lanketa bat egitea, hark zenbait kilo gal ditzan. Halaber, psikologoaren laguntza erabakigarria da bezeroa prestatu eta sendotzeko, prozesu osoa arrakastaz gaindi dezan”, adierazten dute. Enriquez-Navascues doktoreak adierazten duenez, “ez da bide erraza, baina kirurgiak egun oso emaitza onak ematen ditu bestelako tratamendu batzuekin porrot egin duten bezeroentzat. Lehen urtean pisuaren %50 gal daiteke eta, dietista eta psikologoaren laguntzarekin, hobekuntza nabaria da. Hori bai, -dio- ebakuntza egin ostean ezinbestekoa da heziketa dietetikoa eta baita bizi-ohitura berrietan heztea ere. Dena den, emaitzak ikusirik, merezi duela uste dugu”.//


Osasun Ikasgelak

Hiru hitzaldi eskainiko dira eta Eibarko Portalea Udal Kultur Etxean egingo dira 19.30ean

Policlínica Gipuzkoak osasuna eta osasun-arloko informazioa jarri nahi ditu herritarren esku. Hori dela eta, Eibarko Udalarekin hitzartutakoaren arabera, Osasun Gelen zikloa emango du. Urteko ekimena da, eta, 2012. urte honetan, hiru hitzaldi eskainiko dira. Hitzaldi guztiak doakoak izango dira eserleku guztiak bete arte, eta Eibarko Portalea Udal Kultur Etxean egingo dira 19:30ean.

Lehenengoa ekainaren 11n egin zen, eta Ignacio Gallo bihotz-hodietako zirujauak eta Eduardo Alegría kardiologoak bihotz-hodietako prebentzioari buruz hitz egin zuten bertan.

Hurrengoa, ordea, urriaren 9an izango da, eta Ion Madina zein Javier Azparren urologoek urologiako aurrerakuntzak izango dituzte hizpide. Azkena, ostera, azaroaren 13an egingo da, eta Javier Murgoitio, José Luis Elósegui nahiz José María Enríquez-Navascués zirujau orokorrek oso inbasiboa ez den loditasun-kirurgiari buruz hitz egingo dute.


Osasun Ikasgelak: “Artikulazio tenporomandibularraren nahasmenduak eta loaren apnea”

Jarduera uda ondoren jarraituko da

“Artikulazio tenporomandibularraren nahasmenduak eta loaren apnea” jardunaldia arrakasta handia lortu zuen herritarren artean, Osasun Ikasgelak Policlínica Gipuzkoa zikloaren barruan. Jarduera uda ondoren jarraituko du, beste hitzaldi interresgarriekin batera.


“Artikulazio tenporomandibularraren nahasmenduak eta loaren apnea” jardunaldia

Artikulazio tenporomandibularraren nahasmenduak (ATM) eta loaren apnea izan ziren aztergai, Policlínica Gipuzkoako Osasun Gelan.

José Antonio Arruti, Fernando Esnal, Javier Martín eta Víctor Gómez-Carrillo doktoreak Policlínica Gipuzkoako Kirurgia Maxilofazial Integraleko Unitate berriko kideak dira, eta horrelako nahasmenduen diagnostiko eta tratamendurako teknika aurreratuenen berri eman zuten.

Era berean, Min Orofaziala eta ATM Tratatzeko lehen Unitate berezia aurkeztu zuten, baita Policlínica Gipuzkoako Loaren Apneako Unitatea ere, kasu bakoitza sakon-sakon aztertzeko. Besteak beste, honako hauexek dira artikulazio tenporomandibularraren disfuntzioaren (ATM) sintoma adierazgarriak (artikulazio horrek baraila eta garezurra lotzen ditu): ahoa oso-osorik irekitzeko zailtasunak, belarri inguruko mina edo baraila mugitzean sortutako zaratak.

Policlínica Gipuzkoako Ahoko Kirurgia eta Kirurgia Maxilofazialeko espezialista den Víctor Gómez-Carrillo doktoreak azaldu duenez, “min orofazialaren arrazoi arruntena hortzetan badago ere, biztanle gehienek artikulazio tenporomandibularrean dituzte arazoak”.

Biztanleen %33k artikulazio horretako disfuntzio-sintoma klinikoren bat daukate, eta, euretatik, %5ek jarduketa terapeutikoren bat egin behar dute. Dena dela, eragin handiagoa dauka emakumeen artean, 10 gaixotatik 9 emakumeak direlako, gizonen aldean.

Besteak beste, hona hemen patologia hori sorrarazi dezaketen arrazoiak: hozkada txarra, hiperlaxotasun artikularra -lokailuen elastikotasun handiagoa-, traumatismoak, ahoaren irekidura behartua edo bruxismoa -hortzak estutzeko edo karraskatzeko ohitura-. Horren guztiaren ondorioz, aurpegiko minak, barailako tentsioa, blokeoak, endekapen artikularra eta artrosia sortzen dira.

Loaren apnea Loa eragozten duen apnearen sindromean, hainbat eta hainbat etenaldi gertatzen dira loaldiko arnasketa-zikloan zehar, goiko airebidea kolapsatu egiten denean. Arnasketari berriro ekiteko orduan, gaixoa zenbait aldiz iratzartzen da konturatu gabe. Hori dela eta, ez du gauetan behar bezala atseden hartzerik. “Egiaztatu egin da apnea duten gaixoek logalea dutela egunean zehar, eta, horrez gain, burmuineko infartuak, biriketako hipertentsioa eta beste gaixotasun larri batzuk edukitzeko arrisku handiagoa era badutela”, azaldu du Gómez-Carrillo doktoreak. Aldi berean, honako hauxe ere adierazi du: “apnea duten gaixoen %80 ez daude diagnostikatuta”.

 


Gipuzkoako Poliklinikak Osasun Ikasgelak inauguratu ditu, belauneko, sorbaldako eta aldakako artroskopian egindako azken aurrerapenekin

Ricardo Cuellar eta Juan Ponte traumatologoak ostegun honetan hitzaldi irekia eskainiko dute artroskopiaren azken aurrerapenei buruz

Gipuzkoa Poliklinikak Osasun Ikasgelen edizio berria inauguratuko du ostegunean. Zazpi hitzaldiko zikloa izango da, eta osasun-zentroko espezialistek parte hartuko dute.

Hitzaldien helburua da herritarrei medikuntzaren arlo ezberdinetan egondako azken aurrerapenen eta gomendioen berri ematea. Lehenengo hitzaldia ostegun honetan (otsailak 16) izango da, 19:30ean, Donostiako Andia kalean dagoen Kutxa aretoan. Bertan, belauneko, sorbaldako eta aldakako artroskopia-tekniketan izandako azken aurrerapenen inguruan arituko dira Gipuzkoa Poliklinikako Ricardo Cuellar eta Juan Ponte doktoreak.

Bi adituak espezializatuta daude beren arloetako medikuntza-tratamenduan, ortopedian, kirurgian eta artroskopian. Azaldu dutenez, “artroskopia kirurgia ez-erasokorra egiteko baliabide paregabea da. Gaur egun, belauneko patologia asko tratatzerakoan, inork ez du kirurgia irekirik egiten. Aurrerapen egonkortua dela esan daiteke”.

Sorbalda maila berean dagoen arren, Ricardo Cuellar eta Juan Ponte traumatologoek adierazi dute “oraindik kirurgia irekia egiten dela kasu batzuetan, baina gero eta ebakuntza gutxiago egiten direla, artroskopiaren aurrerapenei esker. Guk uste horretan aurrera egingo duen hirugarren artikulazioa aldaka izango dela; izan ere, aurrerapauso batzuk eman dira jada. Gainerako artikulazioetan, hala nola eskumuturra, ukondoa edo orkatila, kirurgia-aukera txikiagoak ditu”.

Adituen arabera, teknika honen abantaila nagusia da “kirurgia ebakuntza txikiekin egiten dela, eta, beraz, ez direla ehun bigunak kaltetzen, kirurgia irekiarekin gertatzen den bezala. Ondorioz, gaixoek ospitalean denbora gutxiago egon behar dute eta ebakuntzetan zailtasunak egoteko aukerak murrizten dira, eta, hortaz, osatzeko denbora gutxiago behar dute kirurgia ostean eta prozesua ez da horren mingarria”.

Puntako teknikak Ricardo Cuellar eta Juan Ponte traumatologoen hitzetan, “artroskopiaren bidez teknika ugari gauzatu daitezke, eta, horrela, protesiak jartzeko beharra atzeratu, batik bat gaixo gazteenen kasuan”. Artikulazioei dagokienez, azetabulu eta femurraren arteko talka tratatzeko aldaka-artroskopia nabarmendu behar da.

Patologia hori heldu gazteei eragiten die, eta tratamendu goiztiarra eginez, artrosia ekidin daiteke. Belauneko lesioen inguruan, bi gai izango dituzte hizpide: lokailu gurutzatuen lehengoratzea eta kartilago-lesioen tratamendua horiek lehengoratzeko zelula-hazkuntzaren eta kondorzito-inplanteen bidez, hots, hondatutako kartilagoa lehengora dezaketen zelula-mota bat.

Halaber, meniskoaren josturaz, menisko artifizialak txertatzeaz eta menisko-transplanteez —emaile-bankuetako ehunekin sortutako meniskoa jartzea— ere aritu dira. Espainian oso leku gutxitan egiten dira teknika horiek, eta bertaratzen direnek horien berri izateko aukera edukiko dute.

Sorbalda-patologiei dagokienez, lesio konplexuetarako artroskopia-tratamenduaz mintzatuko dira, besteak beste: SLAP, berragertzen diren lokadurak eta biratzaileetako mahukatxoen haustura. Horrez gain, kirurgia misto irekiaz eta artroskopikoaz eta tendoiekin lotutako teknikez ere arituko dira.

Tratamendu biologikoen arloan, adituek artikulazio handietan eta txikietan azido hialuronikoa infiltraltzea eta plasma-hazkuntzaren terapia azpimarratu dituzte, artrosi arinen kasuan zein muskuluen, lokailuen eta ehun bigunen lesio batzuetan.


Osasun Ikasgela: “Lepoko zartakoa”

Hurrengo ostegunean, martxoaren 13a 19,30etan, Segurado doktoreak lepoko zartakoari buruzko hitzaldia botako du donostiako Andia Kalean dagoen Kutxa aretoan.

Lepoko zartakoa urtean 1.000 pertsonatik batek izaten du, eta intzidentzia hori gure inguruko zifretara ekarrita, gutxi gorabehera urtean 2.000 kasu berri izaten direla Euskadin esan nahi du horrek.

Policlinica Gipuzkoaren Osasun-aretoko hitzaldi honetan, Gipuzkoako Poliklinikako Traumatologiako espezialista den Segurado dk.ak zirkulazio-istripuetan sortzen diren lepoko lesioei buruz hitz egingo du.

Azken urteetan, mota honetako lesioak ugaltzen ari dira, zeren automobilen kopurua handitu egin baita. Nahiz eta kopuru-ugaritze horrek biztanle guztiei eragiten dien, eta horrela azalduko du hitzaldian Segurado dk.ak, lepoko zartakoa gehienbat emakumeek izaten dute.

Datu hori eta baita beste batzuk ere aztertuko dira hitzaldian: lepoko zartakoak sortzen dituen arazoen ezaugarriak, lepoko zartakoa sortzen duten mekanismoak eta behin sortuz gero tratatzeko jarraitu behar diren pausoak. Prebentzioa ere aztertuko da, adibidez, zirkulazio-bideak eta automobiletako babes-neurriak hobetzea.

 

 


Osasun-ikasgela: “Neke kronikoa”

Gipuzkoako Poliklinikaren Osasun-aretoko hitzaldi honetan, Barne Medikuntzako Zerbitzuko espezialista den Alberto Pierola dk. neke kronikoaren sindromeari (NKS) buruz arituko da.

Gaixotasun honen ezaugarria neke ikaragarria izatea da, ez dena gutxitzen atseden hartuta, eta txartu daitekeena jarduera fisikoarekin eta mentalarekin. Gaixotasun honen ohiko sintomak hauek dira: neke handia, min jeneralizatua, loaldia aldatzea, herstura, depresioa, kolona minbera, buruko mina, etab.

Ikerketen arabera biztanleriaren % 0,5a hartzen du neke kronikoak. Espainian gaixotasun hori 200.000 pertsona inguruk izaten duela estimatzen da. Emakumezko heldu gazteen artean izaten da gehien.

Gaur egun ez dago sendatzeko tratamendurik, baina sintomak asko hobe daitezke, berez baliaezintasuna ekartzera irits daitekeen gaixotasun hori larritzen duten faktoreak saihestuz.

Pierola doktoreak "Neke kronikoa"-ri buruzko konferentzia digitalean eman dituen azalpenak bisitatu: 
http://salud.diariovasco.com/index.htm

 


Ekainaren 14ean: Kolesterola eta bihotza Osasun-ikasgelako gaiak

Ekainaren 14ean Montes Doktorea “Kolesterola eta bihotza” gaiari buruzko konferentzia aurkeztuko du Andia Kalean dagoen Kutxa Aretoan 19,30etan.

Osasun Ikasgelako hitzaldi honen bidez, arterioesklerosiaren prozesua eragiten duten arrazoiak zein diren azaldu nahi dugu. Faktore hauen artean, batzuk alda daitezke eta beste batzuk ez.

Arterioesklerosiaren prozesuak ahalik eta motelen aurrera egin dezala lortzea da gure helburua, aldaerrazenak diren arrisku-faktoreak eraldatuz. Alde horretatik, Kardiologia Zerbitzuan herritar guztien bizialdia eta bizi-kalitatea hobetzen ahalegintzen gara.


Presbicia eta Laser Excimer Osasun Ikasgelako gaiak

Aramendia Doktorea izango da Osasun Ikasgelaren hizlaria apirilaren 19an 19,30etan Andia Kalean dagoen Kutxa Aretoan.

Miopia Laser Excimer teknika erabiliz operatzen da, duela 17 urte baino lehenagotik. Gaur egun, teknika hau ondo sendotuta dago, segurua da, eta hipermetropia eta astigmatismo kasuetan ere aplikatzen da.

Pertsona batek duen miopia, hipermetropia edo astigmatismoa opera daitekeen jakiteko, ezinbestekoa da behar bezalako azterketa egitea; horrela, bere kasua Laser kirurgia erabiltzeko egokia den edo bestelako kirurgia mota bat erabili behar den jakingo da.

Egun, 55 urte baino gehiago eta presbizia izanik, betaurrekoak dituzten pertsonek, begi-barneko lente multifokal modernoak erabil ditzakete, eta doiketa bat egin dezakete Laser Excimer bitartez, gertutik eta urrutitik ondo ikusi ahal izateko.

 


Erreduren Zainketeei buruzko Osasun Gela

José Manuel Santos eta Javier Legorburu Poliklinika Gipuzkoako Kirurgia Plastikoa, Erreparatzailea eta Estetikoaren Zerbitzuaren Doktoreak martxoaren 15ean erreduren zainketeei buruzko Osasun Ikaskela antolatu dute Andia kalean dagoen Kutxako Aretoan 19,30etan. Sarrera dohainik da.
Larruazala da giza gorputzak kanpoen duen organoa, kanpoko munduarekin kontaktuan dagoena. Larruazalak babestu egiten gaitu, gorputz guztia bilduz eta erabateko mugak jarriz. Horregatik, hain zuzen, inork ere ez du zalantzan jartzen larruazalak duen garrantzia, zaindu eta lesioetatik babestu beharra, ondo dagoenean egokiro artatu beharra.

Osasun Ikasgela honetan, beroak larruazalean izan dezakeen eraginaz jardungo dugu, bero horren indarra eta iraupena erredurak sortzerainokoa izan daitekeenean, batik bat. Lehenengo, errepaso bat emango diogu larruazalari, bere osagaiak eta funtzioak aztertuz. Gero, larruazalari erredurekin egiten diogun ia etengabeko eraso horretaz arituko gara: nolako erredurak dauden, zer-nolako mekanismoak dituzten, beren mailak eta hedapena, etab. Eta azkenik, modu sakonxeago batean, erredurak tratatzeko moduez jardungo dugu.

Erredura gehien-gehienak istripuz egindako lesioak dira. Ustekabean edo nola jokatu ez jakiteagatik egindakoak. Lehen laguntza ematea, hezkuntza-helburu bat da osasunean. Osasun Ikasgela honetan erreduren eguneroko errealitateaz ohartzera gonbidatu nahi ditugu bertaratzen diren guztiak, ondorio funtzionalak eta/edo estetikoak sortzeko arriskua dute-eta.


Página 3 de 41234

Hurrengo Osasun ikasgelak 2020

Egindako ikasgelak 2017

Egindako ikasgelak 2016

Egindako ikasgelak 2015

Egindako ikasgelak 2014