Policlínica Gipuzkoan Da Vinci kirurgia robotikoarekin operatutako kirurgia orokorreko lehen pazientea

Policlínica Gipuzkoak Da Vinci robot kirurgiko berria inauguratu du. Modernoagoa da, eta kirurgia urologikoak, kirurgia orokorrak eta otorrinolaringologiakoak egiteko aukera ematen du. José Luis Elósegui kirurgialari orokorrak kirurgia robotiko bidez egindako lehen kirurgia orokorreko ebakuntza egin berri du Policlínica Gipuzkoan. Gaur egun, Policlínica Gipuzkoa da Da Vinci robot kirurgikoarekin kirurgia orokorreko ebakuntzak egiten dituen Gipuzkoako ospitale bakarra.


De izquierda a derecha los Dres. José Luis Elósegui y Javier Murgoitio, Dr. Juan Ignacio Arenas, especialista en aparato digestivo

Koloneko minbizien % 90 sendagarriak dira goiz diagnostikatzen badira

Poliklinika Gipuzkoak Osasun Ikasgelen edizio berria inauguratuko du koloneko minbiziari buruzko hitzaldi batekin Donostian

Poliklinika Gipuzkoak Osasun Ikasgelen ziklo berria inauguratuko du, eta 11 hitzaldi jasoko ditu, 7 Donostian eta 4 Eibarren. Edizio berri honen helburua da osasunaren arloko pil-pileko gaien bitartez informazio eguneratua eskaintzea eta bertaratuekin mahai-inguru txikiak sortzea, zalantzak argi ditzaten.

Edizio berri honi hasiera emateko, hitzaldi bat emango dute Donostian, ostegun honetan (otsailak 19), Andia Kaleko Kutxa Aretoan. Bertan, koloneko minbiziari buruz hitz egingo dute José Luis Elósegui eta Javier Murgoitio kirurgialari orokorrek eta digestio-aparatuan espezialista den Juan Ignacio Arenas doktoreak.

Koloneko minbiziak ia trafiko-istripuek bezainbeste hildako eragiten ditu egunero. kolona da digestio-hodiko organo bakarra prebentzioa egin dakiokeena prozedura erraz baten bidez: kolonoskopia.

 Koloneko minbizia gehienak polipo onbera batetik eratzen dira, eta posible da sintomatologiarik ez izatea, baina urteek aurrera egin ahala minbizia eragin dezakete. Juan Arenas doktoreak honela azaldu du: “Koloneko minbizien % 90 sendagarriak dira goiz diagnostikatzen badira, eta screaning bat egiteko eginkarietan ezkutatutako odolaren test bat egitea komeni da, positibo ematen duten kasuetan kolonoskopia bat egiteko. Proba horrekin, etorkizunean koloneko minbizia eragin dezaketen lesioak edo polipoak detektatzen eta tratatzen ditugu. Gainera, fase goiztiarreko tumoreak aurkitzen dira, eta, horrenbestez, horiek sendatzeko aukera handia dago”.

Gainera, Juan Arenas digestio-aparatuaren espezialistak ziurtatzen du “alarma-seinale bat odola izan daitekeela, eta inork eginkarietan odola ikusten badu, heste-ohituran aldaketak baditu (idorreria, diarrea edo erritmo aldakorra) edo sabeleko edo pelbiseko mina badu, espezialistarekin kontsultatu behar duela”.

Biztanleriari orokorrean —hau da, koloneko minbiziaren aurrekariak ez dituztenei— gomendatzen diegu 50 urtez geroztik screening proba egin dezatela eginkarietan ezkutatutako odolarekin 2 urtean behin, eta, positiboa ateratzen bada, kolonoskopia; edo kolonoskopia bat zuzenean egin dezatela 10 urtean behin, bai gizonek bai emakumeek. “Arriskuan” dauden biztanleekin egoera aldatu egiten da. Polipoen aurrekari pertsonalak dituzten gaixoak dira, edo polipoekin edo koloneko minbiziarekin familiartekoren bat daukatenak. Kasu horietan, kolonoskopiaren bidez prebentzio-kontrolak egiten hasi behar dira 40 urtetik aurrera, eta 5 urteko aldizkakotasunarekin egin behar dituzte, hau da, lehenago hasi behar dute, eta maiztasun handiagoarekin egin.

 

Tratamendua

 Hitzaldian, José Luis Elósegui eta Javier Murgoitio kirurgialari orokorrek ia erasokorra ez den kirurgiarekin egindako azkeneko tratamenduak azalduko dituzte behin koloneko minbizia diagnostikatu den kasuetarako.

“Heste lodia zein mehea segurtasunez eta eraginkortasunez opera daitezke teknika laparoskopikoen bidez, eta koloneko minbiziaren kirurgiari dagokionez egiaztatuta geratu da sendatzeko aukera handiagoa dagoela eta ohiko kirurgia irekia bezain erasokorra ez dela” azaldu dute Elósegui eta Murgoitio kirurgialariek.

Teknika hori tumorea ezarrita dagoen kolonaren zati bat erauztean datza, eta lesioaren alde banatan ehundura normalaren puska bat ere erauzten da, dagozkion ganglio linfatikoekin. Gero, kolonaren muturrak batzen dira digestio-hodiaren jarraipena lehengoratzeko eta haren funtzioa mantentzeko.

Doktoreen ustez, ia erasokorra ez den digestio-kirurgiaren abantailak are handiagoak dira, gaixoak ebakuntza osteko erosoagoa eta efektu estetiko hobea izango dituela aparte utzita. “Epe luzean, halaber, agerian utzi da beste abantaila batzuk dituela, heste-buxadura gutxiago eragiten direla esaterako, atxikidura gutxiago daudelako eta barneko orbainak txikiagoak direlako. Halaber, hernia-arazo eta sabelaldeko paretan akats gutxiago eragiten dituzte” gehitu dute.


Gaur, osasun gela: Kirurgia ez oso inbaditzaileen aurrerapenak kirugia digestiboan eta endokrinoan

Laparoskopia bidez egiten den obesitatearen kirurgia arrakastatsua da %90 baino gehiagoan

Jose Maria Enriquez-Navascues, Javier Murgoitio eta Jose Luis Elosegi doktoreek (Gipuzkoako Poliklinikako Obesitatearen Diziplina Anitzeko Unitatearen taldeko kideak) ia inbaditzailea ez den kirurgian izandako azken aurrerapenez hitz egingo duten ostegun honetan Osasun Gelan. Adituek azaltzen dutenez, “obesitateaz mintzatzean hainbat kontzeptu bereizi behar dira; ez da gauza bera, gehiegizko pisua, obesitatea eta obesitate morbidoa”. Gipuzkoan herritarren %40k gehiegizko pisua, %15,7k obesitate arina, %1,5ak larria eta %0,5ak morbidoa duela kalkulatzen da. Horrek zera esanahi du, obesitate larri eta morbidoa duten 18 eta 64 urte bitarteko 4.000. gipuzkoar baino gehiagok kirurgia beharko luketela”. Kirurgia bariatrikoa egiteko teknika laparoskopikoak erabiltzea urrats erabakigarria izan da kirurgia horren alde. Horrela, askoz bezero gehiago artatu ahal dira eta morbilitatea murriztu egin daiteke; izan ere, oso orbain gutxi uzten duen kirurgia da eta ospitaleratzea ere murriztu egiten da (bezeroa gutxi gorabehera lau egunetan etxera doa). Ebakuntza arrakastatsua da %90 baino gehiagoan eta bezeroak %30-50 bitartean jaisten du bere pisua. “Esate baterako, 120 kg-ko pisua duen bezero batek 36-48 kg bitartean galtzea arrakastatsutzat jotzen da”, doktoreek diotenez. Azken urteetan, era berean, urratsak eman dira kirurgia bariatrikoan erabiltzeko irtenbideetan. Ezagunena “by-pass” gastriko deritzona da, emaitzak bikainak eman dituena. Azken hilabeteetan “Sleeve gastrikoak” indarra hartu du. Azken hori urdail-kurbadura aski erauztean datza. Diziplina anitzeko taldea Kirurgia oso garrantzitsua den moduan, oso garrantzitsua da diziplina anitzeko profesionalez osatutako taldea izatea, bai ebakuntza aurreko fasean eta baita ostekoan ere. Gipuzkoako Poliklinikan Enriquez-Navascues, Murgoitio eta Elosegui doktoreak dira kirurgia bariatrikoko taldeko buruak. Gainera, taldean psikologo bat eta dietista ere badira. “Ezinbestekoa da endokrinoak edo nutrizionistak ebakuntza baino lehen bezeroarekin lanketa bat egitea, hark zenbait kilo gal ditzan. Halaber, psikologoaren laguntza erabakigarria da bezeroa prestatu eta sendotzeko, prozesu osoa arrakastaz gaindi dezan”, adierazten dute. Enriquez-Navascues doktoreak adierazten duenez, “ez da bide erraza, baina kirurgiak egun oso emaitza onak ematen ditu bestelako tratamendu batzuekin porrot egin duten bezeroentzat. Lehen urtean pisuaren %50 gal daiteke eta, dietista eta psikologoaren laguntzarekin, hobekuntza nabaria da. Hori bai, -dio- ebakuntza egin ostean ezinbestekoa da heziketa dietetikoa eta baita bizi-ohitura berrietan heztea ere. Dena den, emaitzak ikusirik, merezi duela uste dugu”.//


Kirurgia-bloke berria barrutik ezagutu

Policlinica Gipuzkoa-k aurrerapauso nabarmena eman du. Bere instalazio nagusienak handitu eta berritu ditu gaur egungo medikuntzak eta etorkizunekoak sorteen dituzten erronkei erantzuteko.

Instalazio hauek urriaren 25ean inauguratu du Juan José Ibarretxe Lehendakariak eta euskal erakunde nagusienak batera.

Instalazio berrietan –Kirurgia-blokea deitu dugun horretan– inbertsio sendoa egin dugu, anbizio handikoa, etorkizuneko konpromisoei ere sendotasun horrekin berarekin aurre egiteko.

Euskal Herrian erreferentziazko osasun-zentro pribatua da gure klinika; kirurgia- eta osasun-zerbitzu aurreratuenak eskaintzen ditu, kalitate handikoak. Aitzindariak gara hainbat mediku-alorretan, eta profesional talde bikaina daukagu. Diagnosia egiteko eta tratatzeko aukera eta baliabiderik onenak eskaintzen ditu gure klinikak profesional horien eguneroko lanari esker.

Gaur egun 12.000 lagun ospitaleratzen eta artatzen ditugu urtean eta 10.000tik gora ebakuntza kirurgiko egiten ditugu. Gure jardueraren %85 kirurgia alorrekoa da, eta, jardun horretatik %45, kirurgia anbulatorioak osatzen du.

Aurre-aurrean egoteko lortutako posizioa mantentzeko eta asistentziarekiko eta gizartearekiko konpromisoak hobeki betetzeko, zutabe sendoak ditu Policlinica Gipuzkoak: baliabide material aurreratuenak dauzka, hobetzea bilatzen du etengabe,
kalitatea eskaintzen du asistentzian eta pertsonekiko tratuan eta I+D+I-ren alde egiten du apustu.

Zutabe horiek areago sendotu dira instalazio berriak martxan jartzearekin. Kirurgia-bloke berrian, alor honetan ezarritako azken berrikuntzak jarri dira; berrikuntza horiei esker gai izango gara etorkizuneko medikuntzak sortzen dituen erronkei aurre egiteko. Osasun-zentro pribatu honek kalitatea eskaintzen eta erreferentzia izaten jarraitu nahi baitu eta bide berriak urratu nahi baititu.


Policlinica Gipuzkoa-ren Kirurgia-bloke berria

Hamabi ebakuntza-gela, Eguneko Ospitalea, Obstetriziako-eremua, Zainketa Intentsiboetako Unitatea (ZIU), Anestesia Ondoko Bizkorketarako Unitatea (ABU), ditu bloke kirurgiko berriak.

Policlinica Gipuzkoak 16 milioi euroko inbertsioa egin du, 32 urtetan egindako inbertsiorik handiena, kirurgia-bloke moderno bat martxan jartzeko. Honekin batera, Policlinica Gipuzkoa-k Estatuko zentro sanitario pribatu garrantzitsuenetako bat bihurtzen da.

Instalazio berriei esker, zerbitzu eta berrikuntza gehiago izango ditu. Hala, Gipuzkoako eta Euskal-Herriko goi kalitateko zerbitzu mediko-kirurgiko pribatu osoena eta aurreratuena eskaintzen jarraituko du.

Urtero Policlínica Gipuzkoa-k 12.000 ospitaleratze izaten ditu eta 10.000 ebakuntza baino gehiago egiten ditu. Policlínica Gipuzkoa-ko instalazio berriek 9.000 m2 dituzte jarduera mediko-kirurgikoan aritzeko. Horietatik 6.000 m2 kirurgia-bloke berriarenak dira.


Kirurgia-bloke berriaren instalazioen deskribapena

Kirurgia-blokeak kirurgian aritzeko ekipamendu aurreratuenak ditu, eta Policlínica Gipuzkoan garatzen dugun jardueraren % 85 kirurgia da hain zuzen.

Hamabi ebakuntza-gela, Eguneko Ospitalea,
Obstetriziako-eremua, Zainketa Intentsiboetako Unitatea (ZIU), Anestesia Ondoko Bizkorketarako Unitatea (ABU), ditu bloke kirurgiko berriak.

Kirurgia-blokeak kirurgian aritzeko ekipamendu aurreratuenak ditu, eta Policlinica Gipuzkoan garatzen dugun jardueraren % 85 kirurgia da hain zuzen.

  • EBAKUNTZA-GELAK 
  • EGUNEKO OSPITALEA
  • OBSTETRIZIAKO-EREMUA
  • ZIU
  • ABU 
  • ESTERILIZAZIOKO ZENTRALA

EBAKUNTZA-GELAK
Policlínica Gipuzkoak orain arte 8 ebakuntza-gela baino ez zituen. Orain, aldiz, 12 ebakuntza-gela guztiz berriak ditu eta guztiek kirurgia-praktika aurreratuenetan aritzeko ekipamenduak dituzte.

Zirkuluerdi baten inguruan antolatuta daude ebakuntza-gelak, alde bakoitzean 6 daude. Hala, pazienteak eta sanitarioak azkarrago iristen dira beste igarotze-eremuetara, hala nola, ZIUra eta ABUra.

Ebakuntza-gela berrien berrikuntzen artean nabarmendu behar da horietako bi guztiz integratuta daudela. Hau da, ebakuntzen irudiak eta soinua hartzeko kamara modernoak dituzte. Kamera horiek bereizmen hoberenekoak dira eta hiru dispositiboren (kamera orokorra, ebakigunerako kamera eta kamera endoskopikoak) bidez irudiak kanpora bidaltzeko gai dira. Hala, munduko edozein tokitatik ebakuntza kirurgikoa ikustea posible izango da.

Ebakuntza-gelak integratuetan ekipamendu guztiak monitore batetik ukimen bidez eta mikrofono batetik hitz eginez erabili ahal izango dira. Hala nola, ebakuntza-mahaia, lanparak, kamerak eta kirurgia-tresneriak.

Kirurgia-blokeko beste espazioen moduan, ebakuntza-gelek 50 m2 baino gehiago dituzte eta eremu garbiak eta zabalak dira. Ekipamendu medikoa eta material kirurgikoa zintzilik dago dorre moderno batzuei esker.

Profesional sanitarioek ere azken aurrerapenak izango dituzte hainbat arlotan, besteak beste: kirurgia endoskopikoan, laparoskopia-kirurgian eta kirurgia errobotikoan.   

EGUNEKO OSPITALEA
Eguneko Ospitaleak edo Kirurgia Anbulatorioko Unitateak banako 18 gela ditu kirurgia anbulatorioa bultzatzeko. Gaur egun guztizko % 49 pazienteak dira.  

Gela horien ezaugarri nagusiak dira garbiak eta oso zabalak direla eta argi naturala dutela. Gela guztiek komuna eta telebista dute.

Eguneko Ospitale berriari esker, Policlínica Gipuzkoak kirurgia anbulatorioaren alde hartutako ildoa sustatuko du. Kirurgia horrek zauri txikieneko teknikak erabiltzen ditu. Ondorioz, pazientea azkarrago osatzen da ospitaleratze beharrik gabe.

OBSTETRIZIAKO-EREMUA
Policlínica Gipuzkoak bakarrik obstetrizian jarduteko zona bat jarri du martxan. Zona horrek Laguntza Bidezko Ugalketa-unitate bat du eta in vitro ernalketa teknikak aplikatuko dituzte bertan.

Dilataziorako bi areto eta erditze-gela moderno bat ere ditu. Erditze-gelan argia naturala da eta horrek erditzeko garaian giro lasaiagoa eskaintzen du. Halaber, zesareak artaratzeko ekipamendu aurreratuenaz prestatutako erditze eta ebakuntza-gela bat eta jaio berriak bizkortzeko eremu bat ditu. 

ZAINKETA INTENTSIBOETAKO UNITATEA
Zainketa Intentsiboetako Unitate (ZIU) berria irekitzean, Policlínica Gipuzkoak 14 ZIU postu berri izaten ditu. Postu garbiak dira eta banako geletan antolatuta daude. Beharrezko kirurgia-tresneria (seruma, perfusio medikazio-ponpak, aireztapena eta monitorizazioa) izaten duten dorre modernoez hornituta daude.

Alde horretatik, Zainketa Intentsiboetako Unitate berria mota guztietako pazienteekin lan egiteko prestatuta dago. Geletan, bereziki kontuan hartu da ekipamenduak zoruan ez uztea, errazago jardun ahal izateko.

Horrez gain, ZIUan erizaintzako bi kontrol eta itxarongela bat daude. Halaber, informaziorako gelak dauzka. Gela horietan senideei beharrezko intimitateaz pazientearen egoerari buruzko informazioa eman ahal izango zaie.

ANESTESIA ONDOKO BIZKORKETARAKO UNITATEA
Anestesia Ondoko Bizkorketarako Unitatea (ABU) ebakuntza-gelekin zuzenean lotuta dago. ABUak guztira 15 postu ditu.

ABUko zazpi postu kasu larriak artatzeko prestatuta daude eta erizaintzako kontrol bat dute. Horrez gain, ABUko postu guztiak monitoreak dituzte anestesista-taldeak eta erizainek unitatean ospitaleratutako pazienteen bizi-konstanteak kontrolatzeko eta ikusteko erabiltzen dituzte.

ESTERILIZAZIOKO ZENTRALA
Kirurgia-blokeak Esterilizazioko Zentrala du, ebakuntza-geletara zuzenean sar daiteke korridore, igogailu eta karga-jasogailu independenteen bidez. Hala, esterilizatutako material kirurgikoaren joan-etorriak errazten eta izugarri zaintzen ditu.

Kirurgia-instalazioetan erabiltzen den material, orga eta tresneria guztiak Esterilizazioko Zentraletik igarotzen du. Zentralean, kirurgia-bloke berriko esterilizazio-eremura sartu ahal izateko beharrezko tratamendua aplikatuko zaie.  

Esterilizazioko Zentral berriari esker, Policlínica Gipuzkoak kirurgia-bloke berrian eskainiko duen kirurgia-zerbitzuaren segurtasuna, trazabilitatea eta kalitatea hobetuko du.