Gipuzkoako Merkataritza Federazioak (GMF), Gipuzkoako 1.500 saltoki inguru biltzen dituen elkarteak, eta Quirónsaludek osasun-zerbitzu pertsonalizatua eskaintzeko lankidetza-hitzarmen bat sinatu dute gaur. Gipuzkoan, Quirónsalud taldearenak dira Policlínica Gipuzkoa, lurraldeko ospitale pribatu handiena, eta Egiako Hospital Quirónsalud Donostia kontsulta-zentroa.

Policlínica Gipuzkoak hiru teslako lehen erresonantzia magnetikoa instalatu du Euskadiko osasun pribatuan. Ekipamendu berriak irudiaren kalitatea eta funtzioak hobetzen ditu, eta erosoagoa da pazientearentzat: zabalagoa, argitsuagoa eta bizkorragoa. Gainera, abantaila ugari ematen ditu, bereziki, neurologiako eta traumatologiako lesioen diagnostikoan.