Policlínica Gipuzkoako dietetika eta nutrizio zerbitzuk nutrizio arloko aholkularitza pertsonalizatua eskaintzen dio paziente eta patologia bakoitzari.

Elikadura arloko jarraibide pertsonalizatuak egiten ditugu: gain-pisua, obesitatea, haurdunaldia-edoskitzea-haurdunaldi ondorena, kirol arloko nutrizioa, haurren elikadura, dislipemiak (kolesterola, triglizerido altuak), diabetes Mellitusa, hipertentsioa, giltzurrunetako gutxiegitasuna, alergiak eta elikadura-intolerantziak, digestioko nahasmenduak (gastritisa, ultzera gastrikoak, heste minbera, kolitis ultzeraduna…) eta pisu baxua.

Kontsulta-zerbitzuak:

• Aholkularitza eta nutrizio-heziketa, dieta pertsonalizatuak.
• Nutrizio-egoeraren balorazioa eta elikadura-ohiturena.
• Gorputzeko pisuaren, osaeraren eta metabolismoaren azterketa: koipe-masa guztira, erraietako koipea, gihar-masa, muskuluetako koipea, gorputzeko ura guztira, hezur-masa, tasa metabolikoa eta adin metabolikoa.
• Gorputzeko perimetroen neurriak.
• Nutrizio-plana paziente bakoitzarentzako egiten da: paziente bakoitzari egokitutako nutrizio-jarraibideak eta asteko menuak (menurako erosketa-zerrenda barne).
• Hamabostean behingo jarraipena (edo pazientearekin eta patologiarekin zehaztutakoa).
• Telefono eta posta elektroniko bidezko arreta-zerbitzua barne, zalantzak argitzeko.
• Dieta orekatuan oinarritutako nutrizio-jarraibideak, nutrizio arloko eskakizunak asez eta paziente, gustu, behar, kaloria-gastu, ariketa mota eta patologiaren (baldin badago) arabera.

Dietetika eta nutrizio zerbitzua beste Unitate eta Zerbitzu batzuekin batera aritzen da lanean, hala nola, Digestio Gaixotasunen Unitatearekin, Obesitatearen Unitatearekin edo Bihotz Errehabilitaziokoarekin.