• “Begiko alergiak gure populazioaren %30 eta %40 artean eragiten du jada, eta udaberrian nabarmen areagotzen da, bestelako begi-patologiekin sintomak partekatuz”.
• Policlínica Gipuzkoako oftalmologia zerbitzuburuak, Héctor Fariña doktoreak, azaldu du nola bereizi alergia‑jatorriko azkura bakterio edo birusen ondoriozko begi‑infekzioetatik, hala nola konjuntibitistatik.
• “Azkura da begiko alergien sintoma bereizgarriena; bi begietan modu simetrikoan agertzen da, betazalen hanturarekin eta gorritasunarekin batera”.
• “Begietako jariakinak eta legañen sorrera —goizean begiak itsatsita esnatu— dira infekzio baten eta alergia‑prozesu baten arteko bereizketa egiteko funtsezko seinaleetako batzuk”.
• Aurretiazko detekzioak eta tratamendu egokiak konplikazioak saihesten dituzte, eta alergenoen esposizio handiko garaietan begietako ondoezen ondorioz larrialdietara jotzea murrizten dute.

“Udaberriaren etorrerarekin, begietako azkura eta ondoezen kasuak nabarmen igotzen dira gure kontsultetan; hala ere, garrantzitsua da jakitea zer den begiko alergia eta zer infekzio bat”, azaldu du Héctor Fariña doktoreak, Policlínica Gipuzkoako oftalmologia zerbitzuburuak. “Begiko alergia dagoeneko oftalmologora egindako bisitetako arrazoi ohikoenetako bat da, eta gure herrialdeko populazioaren %30–40ri eragiten dio”.

Fariña doktoreak adierazi du begiko alergia identifikatzeko funtsezkoa dela jakitea “begietako azkura dela sintoma nagusia, bi begietan modu simetrikoan agertzen dena, gorritasunarekin eta betazalen hanturarekin batera”. “Begiko alergiaren eragile ohikoenen artean —azaltzen du oftalmologia zerbitzuburuak— polena, akaroak, aireko hautsa edo kalima deiturikoa, animalien epitelioak eta zenbait kosmetiko edo kremak daude; horien osagai batzuek hipersentikortasun‑erreakzioak sor ditzakete konjuntibarekin kontaktuan”.

“Aitzitik —adierazi du Fariñak—, konjuntibitits infekziosoek, bakterianoak zein birikoak izan, jariakin ugari izaten dute, legañen sorrera eragiten dute, eta askotan modu asimetrikoan agertzen dira; maiz, pazienteak betazalak itsatsita esnatzen dira. Jariakina da infekzio bat eta alergia‑prozesu bat bereizteko seinale nagusia”.

Oftalmologoak gogorarazi du “beste sintoma batzuk, hala nola, malko‑jario etengabea, argi‑sentikortasuna (fotofobia) edo betazalen hantura, begi‑lehortasunarekin ere lotuta egon daitezkeela; pantailen erabilera intentsiboaren ondorioz gero eta ohikoagoa den arazoa, eta populazioaren herena ere eragin dezakeena alergiekin batera gertatzen denean”.

Patologia hauen tratamenduari dagokionez, Fariña doktoreak adierazi du: “Begiko lehortasunerako lehen neurria beti da malko artifizialak erabiltzea. Begiko alergiak tratatzeko, beharrezkoa da kolirio antihistaminikoak gehitzea; eta kasu larriagoetan, potentzia baxuko kortikoideak, beti errezetapean. Infekzio bakterianoetan, berriz, antibiotiko topikoak behar dira”.

Prebentzioari dagokionez, oftalmologoak gomendatzen du “betazalen higiene egokia mantentzea, begiak ondo hidratatuta izatea, pantailak erabiltzean maiz kliskatzea eta ingurumeneko alergenoen esposizioa murriztea. Ohitura onek eta garaizko arreta batek saihesten dute pazienteak azkura jasanezinarekin larrialdietara joatea”.