Eremu berri honen helburua prozedura anbulatorioak arintzea da, ospitalearen barruan beharrezkoak ez diren joan-etorriak saihestuz eta pazienteei probak azkarrago, erosoago eta eraginkorrago egiteko aukera emanez; pazientearen atarian jasotzen dira proben emaitzak ordu gutxiren buruan.

Policlínica Gipuzkoak Analisi Klinikoen eta Proba Diagnostikoen Eremu berria jarri du abian, ospitaleko -1. solairuan. Kanpoaldetik sarbide zuzena eta aparkaleku propioa ditu, eta pazienteen irisgarritasuna eta erosotasuna hobetzeko diseinatuta dago. 

Eremu berri horretan, pazientea aldi berean sartzen da Analisi Klinikoen, Ekografien, Endoskopien, Erradiodiagnostikoaren eta Elektrokardiogramen zerbitzuetara, eta leku berean biltzen ditu diagnostikoaren eremuko asistentzia-zerbitzuak.

Espazio berrirako sarbidea arintzeko, kanpotik zuzenean sartzea gomendatzen da, eraikinaren atzeko aldetik egokitutako sarbidearen bidez. Sarbide hori errazteko eta pazienteentzako esperientzia erosoagoa bermatzeko, Policlínica Gipuzkoak ospitaleko eremu berri horretako galtzada, aparkalekua eta espaloia erabat berreraiki ditu.

Eremu berri honen helburua prozedura anbulatorioak arintzea da, ospitalearen barruan beharrezkoak ez diren joan-etorriak saihestuz eta probak azkarrago, erosoago eta eraginkorrago egitea ahalbidetuz. Zerbitzuen berrantolaketa honekin, Policlínica Gipuzkoak esperientzia arinagoa eskaini eta pazienteen denbora optimizatu nahi du.

“Espazio berri honekin gure pazienteen esperientzia erraztu nahi dugu, proba diagnostikoetarako sarbide erosoagoa izan dezaten”, adierazi du Verónica Cañibanok Policlínica Gipuzkoako Pazientearen Esperientziaren arduradunak.