Indizea osatzeko, ICGEAk hainbat parametro hartu ditu kontuan, besteak beste, arreta asistentzialaren kalitatea, pazientearen gogobetetasuna eta ongizatea, berrikuntza-gaitasuna, eraginkortasuna eta arreta humanizatua, Espainia osoko osasun-profesionalei egindako 2.300 inkesta baino gehiagotan oinarrituta.

Policlínica Gipuzkoa Euskadiko ospitale pribaturik onena izendatu dute Ospitale Bikaintasunaren Indize Autonomikoaren (IEH) 2025eko edizioan. Indize hori Instituto Coordenadas de Gobernanza y Economía Aplicada-k (ICGEA) egin du. Policlínica Gipuzkoak, gainera, laugarren postua lortu du Euskal Autonomia Erkidegoko sailkapen orokorrean, non ospitale publikoak eta pribatuak batera ebaluatzen diren.

IEH Autonomikoaren 2025eko sailkapenean, lehen postuan kokatu da Gurutzetako Unibertsitate Ospitalea, eta jarraiki, Donostiako Unibertsitate Ospitalea eta Galdakaoko Unibertsitate Ospitalea. Euskadiko ‘top 5-aren’ sailkapena osatzen dute Policlínica Gipuzkoak —lehen lau postuen artean dagoen ospitale pribatu bakarra— eta IMQ Zorrotzaurre Klinikak.

Aitorpen honek Policlínica Gipuzkoa Euskadiko osasun pribatuaren erreferente gisa kokatzen du, arreta asistentzialaren kalitatearekin, berrikuntza medikoarekin, arreta pertsonalizatuarekin eta baliabideen erabilera eraginkorrarekin duen konpromisoa nabarmenduz; horiek guztiak izan dira indizea egiteko orduan funtsezko irizpideak.

Ospitale Bikaintasunaren Indizeak, 2025ean bere hamargarren edizioa ospatu duenak, urtero aztertzen ditu bikaintasun-maila handiena duten Espainiako ospitaleak, bai estatu mailan bai autonomia-erkidego mailan. Indizea osatzeko, ICGEAk kontuan hartu ditu, besteak beste, arreta asistentzialaren kalitatea, pazientearen gogobetetasuna eta ongizatea, berrikuntza-gaitasuna, eraginkortasuna eta arreta humanizatua, Espainia osoko osasun-profesionalei egindako 2.300 inkesta baino gehiagotan oinarrituta.